• நூலாசிரியர் இறையன்பு அவர்கள் ஏழாவது அறிவுக்கு ‘மனம் என்பது சிந்தனைகளின் தொகுப்பு. சிந்தனைகளின் மூலம் சிந்தனைகளைக் கடக்கக் கற்றுக்கொள்வதற்கு ஆறாவது அறிவில்தான் சாத்தியம். ஆறாவது அறிவையும் தாண்டி சிந்தனைகளற்ற நிலைக்குச் செல்ல வேண்டும். அது ஏழாவது அறிவாக உதயமாகிறது. ஏழாவது அறிவு என்பது அறிவு அல்ல, அனுபவம். அப்போது இறைமையோடு இயைகிற அனுபவம் ஏற்படுகிறது’ என்று விளக்கம் தருகிறார். இத்தொகுப்பில் இடம்பெற்றுள்ள ழகரம் குறித்த கட்டுரை அந்த எழுத்தின் மேன்மையை விளக்குகிறது. மனிதர்கள் அனைவரும் ஆறு அறிவுகளையும் முறையாகப் பயன்படுத்திவிடுவதில்லை என்கிற கருத்தை இறுதிக் கட்டுரை வெளிப்படுத்துகிறது. அதில் உடலைப் பிரதானமாக நினைப்பவர்களும், காம இச்சை கொண்டவர்களும் முதல் அறிவிலேயே நின்றுவிடுகிறார்கள் என்கிற கருத்து சிந்திக்க வைக்கிறது. இத்தொகுப்பில் இடம்பெற்றுள்ள அனைத்தும் வானொலியில் நிகழ்த்திய உரைகள் என்பதால் வாசிப்பதைப்போல என்ணிப் படித்தால் ஓசை நயமும், சொற்களின் அடுக்கின் சூட்சுமமும் வாசிப்பை சுவையாக்கும்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: டிசம்பர் 2004
19-ஆவது பதிப்பு: டிசம்பர் 2018

• நாம் துயரத்தைத் திசைதிருப்ப நினைக்கும்போதெல்லாம் அது அதிகரிக்கவே செய்கிறது. துன்பத்தைத் தாண்டி மேலே செல்ல முற்படும்போது நமக்கான வழிகள் தென்படுகின்றன. பணி செய்யாமல் வெறும் உல்லாசத்தை மட்டும் அனுபவிக்கின்ற எல்லா வாழ்க்கையுமே நரக வாழ்க்கைதான். தீய வழிகளில் சத்தியத்தை நிலைநாட்ட முடியாது. குறுக்கு வழிகளில் லட்சியத்தை அடையலாம் என்று நினைப்பது மதுவை அருந்தி உடல் வலியைப் போக்கிக்கொள்ளலாம் என்பதைப் போன்ற அறிவற்ற செயல். கரும்பாய் இருந்தால் நசுக்கப்படுவோம் என்பதால் எட்டிக்காயாய் யாரும் தீண்டத்தகாததாய் இருக்கக் கூடாது.

• நாம் வாழ்ந்ததற்கு அடையாளமாக வேதனைகளை விட்டுச்செல்லாமல் சாதனைகளை விட்டுச்செல்ல வேண்டும். பணம் கிடைக்கிறது என்றால் நரகத்திலும் பேரம் பேசுவார்கள். சுயநலம் முதலில் முந்த வைக்கும். ஆனால் முடக்கிப் போட்டுவிடும். இதயத்தை இரும்பாக்கி இறுக்கமாக வாழாமல் கரும்பாக மாற்றித் தங்க யுகத்தை உருவாக்க வேண்டும். தன்னம்பிக்கையும், துணிவும், நேர்மையும் இருக்கும்போது வெளிப்படும் எண்ணங்களே உயர்வு தரும். ஆணையிடாமல் அடிபணிய வைப்பதே சிறந்த நிர்வாகம். பேதம் பார்க்காத நேசமே உயர்ந்தது. சொல்லில், செயலில் ஒருங்கிணைந்து தாழ்வு மனப்பான்மையிலிருந்து விடுபட வேண்டும். பொறுப்பானவர்களிடம் கோபம் நீண்ட நேரம் தங்கியிருந்தால் எடுக்கிற முடிவுகள் சிதறிப்போகும். நூல்கள் படிக்கும் பழக்கம் ஒருவரை முனை மழுங்காமல் கூர்மையாக்கும்.

• மேற்கண்ட கருத்துகளை உள்ளடக்கி, நகைச்சுவைச் சம்பவங்களைச் சேர்த்து நடைமுறை, வரலாறு, புராண நிகழ்ச்சிகளைச் சான்று காட்டி இந்நூல் வடிவமைக்கட்டிருப்பது சிறப்புக்குரியது.

• இவை அனைத்தும் மதுரை வானொலி நிலையத்தில் ‘இறையன்பு நேரம்’ என்கிற தலைப்பில் நிகழ்த்திய உரைகளின் தொகுப்பு. இதில் கிரேக்க, லத்தீன இலக்கியக் குறிப்புகள் அதிகம் இடம்பெற்றிருக்கின்றன. ஷேக்ஸ்பியரின் நூல்களை வாசிப்பதற்கும் இத்தொகுப்பு தூண்டுகோலாக இருக்கும்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: நவம்பர் 2009
12-ஆவது பதிப்பு: மார்ச் 2019

• இறையன்பு அவர்கள் மதுரை வானொலியில் ‘இறையன்பு நேரம்’ நிகழ்ச்சியில் வழங்கிய எழுபத்தைந்து கட்டுரைகளின் தொகுப்பே இந்நூல்.

• ‘ஒரு சொல்லைச் சொல்லும்போது எச்சரிக்கையாக இருக்க வேண்டும். எழுதும்போது இன்னும் உன்னிப்பாக இருக்க வேண்டும். பதற்றம் இருந்தால் மூளையின் செயல்பாடு பாதியாகக் குறைந்து விடும். சகிப்புத் தன்மையால் விரோதம் வளராது. சகிப்புத்தன்மை என்றாலே விரோதத்தையோ, அதிருப்தியையோ நாம் வெளியில் காட்டிக்கொள்ளாமல் இருப்பதுதான். கலைகளெல்லாம் மனிதனைப் பிணைக்கவும் இணைக்கவும்தான். பிளக்கவும், சிதைக்கவும் அல்ல. இலக்கியம் நேரடியாக முரசுகொட்டி முழங்குவதில்லை. அது மறைமுகமாக விழிப்புணர்வை ஏற்படுத்துகிறது’ என்று விளக்குகிறார் ஆசிரியர். ஒவ்வொரு கட்டுரையின் முடிவிலும் சின்ன நகைச்சுவை இழையோடுவது தொகுப்பின் சிறப்பு. நான்கு நிமிடங்களில் ஆழமான செய்தியை அழுத்தமாகச் சொல்ல முடியும் என்பதற்கு இத்தொகுப்பு எடுத்துக்காட்டு.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: டிசம்பர் 2004
19-ஆவது பதிப்பு: டிசம்பர் 2018

• இறையன்பு தொடர்ந்து சென்னை வானொலியிலும், மதுரை வானொலியிலும் நிகழ்த்திய உரைகளின் ஒட்டுமொத்தத் தொகுப்பாக ஏழாவது அறிவின் மூன்று பாகங்களையும் ஒருங்கிணைத்து இந்த நூல் வெளியிடப்பட்டிருக்கிறது. ஒட்டுமொத்த நூல் காத்திரமாகவும், வாசிப்புக்கு வசதியாகவும் இருப்பதால் இம்முயற்சி வந்தபின் தனித்தனியான பாகங்களை விட்டுவிட்டு இத்தொகுப்பையே வாசகர்கள் விரும்பி வாங்குகிறார்கள். இதில் உள்ள கட்டுரைகள் உலக இலக்கியங்களையும், அறிஞர்களின் கருத்துகளையும் சின்னக் குப்பிக்குள் அடைத்ததைப்போல இருக்கின்றன. பெரிய இலக்கியங்களை முழுவதுமாக வாசிக்க நேரமும் அவகாசமும் இல்லாதவர்கள் அவற்றின் சாரத்தை மட்டும் நுகர்கிற வகையில் இத்தொகுப்பு அமைந்திருக்கிறது. உதாரணத்திற்கு ஷேக்ஸ்பியரின் படைப்பான ‘ஏதென்சின் டைமன்’ என்கிற நூல் அதிகம் வாசிக்கப்படாத ஒன்று. நாம் உதவியவர்கள் முக்கியமான நெருக்கடியில் நமக்கு உதவ மறுத்து எப்படி கைவிரிப்பார்கள் என்பதை விளக்கும் சிறந்த நாடகம். அதன் சாரத்தை நூலாசிரியர் குறிப்பிட்டிருக்கிறார். இன்றைய அவசர உலகத்தில் வாசிக்கும் ஆர்வத்தை இளைஞர்களுக்குக் கிளறி விடும் நூல்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜூலை 2005
4-ஆவது பதிப்பு: ஜூலை 2018
5-ஆம் பதிப்பு: நவம்பர் 2019

• இதுவும் வானொலிப் பேச்சுகளின் தொகுப்பு. ஏழாவது அறிவிலிருந்து மாறுபட்ட உரைநடையோடு உருவாக்கப்பட்டது.

• காலத்திற்கும் தளத்திற்கும் உட்பட்ட சூரிய ஒளியும் சரி மின்னொளியும் சரி, கண்ணில் புலனாகும். ஆனால் உள்ளொளி எந்தப் புலனுக்கும் உள்ளாகாது. உள்ளொளியானது அறிவாகவும், அன்பாகவும், மனச்சாட்சியாகவும், கருணையாகவும், மன உறுதியாகவும், விழிப்புணர்வாகவும், இயற்கையின் மீதான காதலாகவும், ஜீவன்கள் மீதான நேசமாகவும், சுயமான சிந்தையாகவும் - இப்படி எண்ணற்ற உயர் பண்புகளாக மனிதனிடம் செயல்பட முடியும் என்பதை தெளிந்த ஓடை நீரோட்ட நடையில் தெளிவுபடுத்துகிறார் ஆசிரியர். அதுதான் அக ஒளி. எளிமைப்படுத்திச் சொல்வதானால் சிந்தனை ஒளி என்று கூறலாம். மனிதனுக்கே உரிய ஒளி. இந்த உள்ளொளி மனிதனின் நியாயமான மகிழ்ச்சிக்கு வழிகாட்ட முடியும் என்பதை ஆசிரியர் தனது எழுத்துகளில் இழையோட விட்டுள்ளார்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜூன் 2005
10-ஆவது பதிப்பு: நவம்பர் 2019

• வழி கேட்கும் ஒருவன் கையைப் பிடித்து, கூடவே அழைத்துக்கொண்டு போய் இடத்தைக் காட்டிச் செல்லும் சில நல்லிதயங்களும் இருக்கத்தான் செய்கின்றன. அதில் வெ. இறையன்புவும் ஒருவர். வாழ்விடம் தேடுவோர் மற்றும் சோர்ந்து கிடக்கும் இதயத்திற்குள் தன்னம்பிக்கையூட்டி வாழ்வில் வெற்றியைப் பெறுவதற்கான ஒரு வெளிச்சத்தைக் காட்டுவதில்தாம் அவர் எழுத்தின் தனித்துவம் அடங்கியிருக்கிறது.

• ‘மென்காற்றில் விளை சுகமே’ எனும் இக்கட்டுரைத் தொகுப்பில் ஏற்படும் தாக்கம் மனிதகுலத்தின் ஆணி வேரினை அசைத்துப் பார்ப்பதாய் உள்ளது. இளைய சமுதாயத்தின் மீதுள்ள அக்கறை எழுத்துகளில் பிரதிபலிக்கின்றது. எங்கோ ஒரு மூலையில் தன்னிலை மறந்து முடங்கிக் கிடக்கும் பாமரனையும்கூடத் தட்டியெழுப்பும் தன்னம்பிக்கைகள் இங்கே விளைந்து கிடக்கின்றன.

• பொதுவாக, சொல்வது என்பது எளிது; செய்வதுதான் கடினம். எப்படிச் சொல்லி செய்ய வைப்பது என்பதை இந்நூல் நன்றாகவே செய்து காட்டுகிறது. இது வெறும் நூலாக மட்டுமல்லாமல் ஒரு மனிதமாகவே தன்னுள்ளுணர்வுகளை வெளிப்படுத்திக்கொண்டு நிற்பது அலாதி.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: டிசம்பர் 2004
19-ஆவது பதிப்பு: டிசம்பர் 2018

• படிப்பது பாரம் என்பதாக மாணவர்கள் நினைத்து அச்சமடையாமல் படிப்பது ‘சுகம்’ தரும் ஒன்றாகும் என்பதை விளக்கமாகவும், சுவையாகவும் கூறியுள்ளார் நூலாசிரியர். பரிட்சை எழுதவுள்ள மாணவர்கள் தங்களை எப்படித் தயார்செய்துகொள்ள வேண்டும், பாடங்களை எப்படி உள்வாங்கிக்கொள்ள வேண்டும் எனப் பல விஷயங்களைப் பற்றியும் மாணவர்களுக்கு இந்நூல் விளக்கித் தருகிறது.

• தேர்வை எப்படி அணுக வேண்டும் என்கிற யுத்தி கல்விக்கூடங்களில் சரியாகச் சொல்லித்தரப்படுவது இல்லை. படித்ததையெல்லாம் எழுதுகிற பயிற்சியாக தேர்வு கருதப்படுகிறதேயொழிய, தேவையானவற்றை வெளிப்படுத்துகிற பரிசோதனைக்கூடாமாக அதை மாணவர்கள் கருதுவதில்லை. இந்நிலையை மாற்ற பல்வேறு தேர்வுகள் குறித்தும், தேர்வுக்கு புத்தகங்கள் சேகரிப்பது, விடைகளைத் தயாரிப்பது, வினாத்தாள்களை எதிர்கொள்வது போன்ற பல முக்கியமான செய்திகளை முறையாகச் சொல்லித் தருவதாகவும் இந்நூல் உருவாகியுள்ளது.

• மாணவர்களின் படிப்புக்கும், தேர்வுக்கும் இந்நூல் ஒரு சிறந்த திறவுகோலாக இருக்கும். இந்நூலை ஊன்றிப் படிப்பவர்கள் தேர்வுகளில் வெற்றிபெற்று சாதனைகளை நிகழ்த்துவார்கள் என்பது உறுதி.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: டிசம்பர் 2004
19-ஆவது பதிப்பு: டிசம்பர் 2018

• தேர்வு என்பது நம்மை மதிப்பெண்களுக்காகப் பரிசோதிக்கும் முயற்சி மட்டுமல்ல, ஒரு வகையில் நம் ஆளுமையை அறிந்துகொள்ளப் பயன்படும் களம். பள்ளிக்கூடங்கள் நம்மைத் தேர்வுக்குத் தயார் செய்யாமல் வாழ்வுக்காகத் தயார் செய்வதுதான் சரியான அணுகுமுறை. பெற்றோரும் இதை மனத்தில் வைத்துக்கொண்டு, தேர்வைக் காட்டி பயமுறுத்துவதைத் தவிர்த்து விட்டு, அதை ஆக்கபூர்வமான அதிர்வலைகளுடன் அச்சமின்றி அணுகுவதற்குப் பழக்க வேண்டும்.

• ‘அதற்கான அனுபவங்களைப் பகிரவே உங்களுடன் நான் பயணிக்கப் போகிறேன். வாருங்கள் நீங்களும் சக பயணியாக!’ என்கிறார் நூலாசிரியர். இந்நூலில் தேர்வை அச்சமின்றி அணுகுவதற்கு பள்ளி தொடங்குகிற நாளிலிருந்து ஒரு மாணவன் எவ்வாறு தன்னைத் தயார்செய்துகொள்ள வேண்டும் என்பதை பத்து கட்டுரைகளில் ஆசிரியர் விளக்குகிறார். நடைமுறை செய்முறைகளையும், காட்சிப்படுத்தலையும் விரிவாக விளக்குகிறார். நிறைய உருவகக் கதைகள் மூலம் நூலை சுவாரசியமாக்குகிறார்.

பதிப்பாளர்
ஸ்ரீ துர்கா பப்ளிகேஷன்
22 எம்.ஜே.பி. தெரு,
திருவல்லிக்கேணி, சென்னை 600005.
தொலைபேசி: 9381032805/9884807831
முதல் பதிப்பு: செப்டம்பர் 2016
3-ஆவது பதிப்பு: ஜனவரி 2018

• தமிழகத்தில் அதிக அளவில் மாணவர்கள் குடியுரிமைப் பணிக்கு தேர்வாக வேண்டும் என்கிற ஆவலில் எழுதப்பட்ட நூல். பதினாறு வாரங்கள் இதயம் பேசுகிறது இதழில் தொடராக வந்தபோதே பல மாணவர்களால் சேகரித்து வைக்கப்பட்ட கட்டுரைத் தொடர். முயற்சியும், பயிற்சியும் இருந்தால் இந்தத் தேர்வில் எளிதில் வெற்றி பெற முடியும் என்கிற நம்பிக்கையை கிராமப்புர மாணவர்களுக்கும் இது ஏற்படுத்தியது.

• கடந்த காலங்களில் ஐ.ஏ.எஸ். படிப்பு என்பது எல்லோராலும் அடைய முடிகிற ஒன்றல்ல, நமக்கெல்லாம் அந்த வாய்ப்பு கிட்டாது என்று பரப்பப்பட்ட கற்பிதங்களைத் தகர்த்தெறியும் நோக்கில் எழுதப்பட்டுள்ள அரிய புத்தகம்.

• சரளமான ஆங்கிலப் புலமை, தேர்ந்த அறிவு, ஆழ்ந்து படிக்கும் புலமை உள்ளவர்கள்தான் ஐ.ஏ.எஸ். ஆக முடியும் என்ற நிலையிலிருந்து தமிழ்வழிக் கல்வியாளர்களும் ஐ.ஏ.எஸ். ஆகலாம் என்பதை உணர்த்துகிறது இந்நூல். அதே நேரத்தில் ஆங்கிலம் என்பது கம்பச் சித்திரம் அல்ல, அதை முயற்சியோடு அணுகினால் எளிதில் கற்றுக்கொள்ள இயன்ற மொழியே என்பதும், பேச்சுக் கலையை எப்படி வளர்த்துக்கொள்வது என்பது பற்றி எளியமுறைப் பயிற்சிகளும் இதில் கூறப்பட்டுள்ளன.

• 1998-ஆம் ஆண்டு சிறந்த கட்டுரைகளின் தொகுப்பிற்காக பாரத ஸ்டேட் வங்கியின் விருது பெற்றது இந்நூல்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: டிசம்பர் 2004
12-ஆவது பதிப்பு: மே 2018
13-ஆவது பதிப்பு: ஜூன் 2019

• தமிழகத்தில் அதிகம் பேர் குடிமைத் தேர்வுகளில் வெற்றி பெற வேண்டும் என்கிற அடிப்படையில் விழிப்புணர்வை ஏற்படுத்த எழுதப்பட்ட நூல் ‘ஐ.ஏ.எஸ். தேர்வும் அணுகுமுறையும்.’ அவ்வாறு ஆர்வம் ஏற்பட்டவர்களுக்கு அனைத்துத் தகவல்களையும் கலைக்களஞ்சியப் பார்வையில் ஒரே நூலில் தொகுத்துத்தரும் பொருட்டு இந்நூல் உருவானது. மாதிரிக் கேள்வித்தாள்கள், பாடத் திட்டம் போன்ற பல அம்சங்கள் இந்நூலில் இருக்கின்றன. ஒவ்வொரு செய்தியும் ஓரிரு பக்கங்களில் இடம்பெறும் அளவு வாசிப்புக்கு உகந்ததாய் வடிவமைக்கப்பட்ட இந்நூல் விருப்பப் பாடங்களைத் தேர்ந்தெடுப்பதிலிருந்து ஆளுமைத் தேர்வினை எதிர்கொள்கிற வரையிலான அனைத்துச் செய்திகளையும் வாரித் தருகிறது.

• ‘ஐ.ஏ.எஸ். வெற்றிப் படிக்கட்டுகள்’ எனும் இந்நூலில் முக்கியமாய் தெளிக்கப்பட்டிருக்கும் அல்லது விதைக்கப்பட்டிருக்கும் உள்ளுணர்வு, வெற்றியெனும் மூலமந்திரமே. முயற்சிகளின் படியேறி, தளராமல், பின்னோக்காமல் முன்னேறினால் ஐ.ஏ.எஸ். ஆவது உறுதி எனும் உன்னதக் கருத்தை அடிக்கோடிட்டுக் காட்டுகிறது. இதில் உள்ள கட்டுரைகள் அனைத்துமே இரண்டு, மூன்று பக்கங்களுக்கு மிகாமல் எழுதப்பட்டிருப்பதால் வாசிப்பு எளிதாகக் கைகூடுகிறது.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: டிசம்பர் 2004
19-ஆவது பதிப்பு: டிசம்பர் 2018

• தினத்தந்தி இளைஞர் மலரில் எழுதப்பட்ட ஐம்பது கட்டுரைகளில் முதல் இருபத்தைந்தைக்கொண்டு தொகுக்கப்பட்ட நூல். அவர்களுக்கு அறிவுரை கூறுவதுபோல் அமையாமல் ஆற்றுப்படுத்துவதுபோல் எழுதப்பட்ட அனுபவங்களில் தொகுப்பு.

• நதி கடலில் சங்கமமாகி விடுகிறது. ஆனால், அது தான் புறப்பட்ட இடத்திலிருந்து சங்கமம் வரையான பயணத்தில்தான் எத்தனையோ ஓசைகளை எழுப்புகிறது. அருவியோசைகளாகவும், பாறையோசைகளாகவும், தெளிந்த நீரோட்ட ஓசைகளாகவும் - இப்படி தனது பயணத்தின் பாதைகளுக்கு ஏற்றபடியெல்லாம் ஓசை எழுப்புகிறது. இதுதான் மனித வாழ்க்கையிலும் நிகழ்கிறது. மனிதனும் தனது சூழ்நிலைகளுக்குட்பட்ட பிரச்சினைகளைச் சந்திக்கிறான். அந்தப் பிரச்சினைகளைத்தான் இந்தப் புத்தகத்தின் ஆசிரியர் அலசி ஆராய்கிறார்.

• இறையன்பு அவர்களின் படைப்புகளில் எப்போதுமே ஒரு தனித்தன்மை உண்டு. அவரின் ஒரு நூலைப் படிப்பதென்பது உலகப் பொது விஷயங்களைத் தெரிந்துகொள்வதற்குச் சமம். அந்த வகையில் உள்ளே அனைத்துக் கட்டுரைகளும் ஒன்றன்பின் ஒன்றாக வந்து இதயத்தில் கையொப்பமிட்டுச் செல்வது வியக்க வைக்கிறது.

• மனிதனின் முடிவுகள் எல்லாமே வெற்றியில்தான் முடிய வேண்டும் என்பது நோக்கமாக இருக்கலாம். ஆனால், சூழ்நிலைகளின் அம்புகள் நல்லதுக்கும் கெட்டதுக்குமே குறி பார்க்கின்றன. காலத்தின் திசைக்கேற்ப நடந்துகொண்டிருக்கும் மனிதர்க்கெல்லாம் இந்நூல் ஒரு பரிட்சையாக அமையும். தவிடுபொடியாகும் வாழ்வின் நெருக்கடிகளுக்குள் வீழ்ந்து கிடக்கும் ஏழையைக்கூட தட்டியெழுப்பும் சக்தி எழுத்திற்கு உண்டு என்பதை இந்நூல் நிரூபித்துக் காட்டுகிறது.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜூலை 2005
9-ஆவது பதிப்பு: டிசம்பர் 2015

• ‘ஓடும் நதியின் ஓசை’ (இரண்டாம் பாகம்) என்னும் இந்தப் புத்தகத்தின் இறுதி வரிகளில் நதி கடலில் விழுவதை அறிவிக்கும் ஆசிரியர், ‘இது மரணம் அல்ல, சங்கமம்; இது இழப்பு அல்ல, காணல்; இது காணாமல் போதல் அல்ல, தேடல்’ என்று கூறுகிறார். இது மனிதன் நம்பிக்கை ஏற்படுத்திக்கொள்ள வேண்டிய வார்த்தைகள் மட்டுமல்ல, மனித வாழ்க்கைக்கே உள்ள அர்த்தத்தை உணர்த்தக் கூடியதாகும்.

• இந்தத் தொகுப்பில் அனுபவங்களும், இலக்கியச் சாரங்களும் சம அளவில் பங்குபெறும் வகையில் கட்டுரைகள் அமைந்திருந்தன. முன்னேற்றம் என்பது வெளிநாட்டு நூல்களைப் பார்த்துக் கற்றுக்கொள்ள வேண்டிய செய்தியல்ல. நம் அருகில் இருப்பவர்களை ஆழமாக உற்றுநோக்கியே பலவற்றைக் கற்றுக்கொள்ள முடியும் என்பதை இத்தொகுப்பு சொல்கிறது. தன்னளவில் ஒவ்வொருவரும் சுய பரிட்சார்த்தம் செய்துகொண்டு சுடர்விட முடியும் என்பதற்கு இந்த நூல் அத்தாட்சி.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜூலை 2005
9-ஆவது பதிப்பு: டிசம்பர் 2015

• ஓடும் நதியின் ஓசை நூலில் இரண்டு பாகங்களையும் வாசிப்புக்கு வசதியாக ஒரே ஒருங்கிணைந்த நூலாக ஆக்கி வெளியிட்டிருக்கிறார்கள். ஒரே நேர்கோட்டில் எழுதப்பட்ட கட்டுரைகளின் தொகுப்பை ஒன்றாகத் தொகுத்து வெளியிடும்போது இன்னொரு பாகத்தைத் தவறவிடுகிற சூழல் ஏற்படாது என்பதே இம்முயற்சிக்குக் காரணம். இப்படிப்பட்ட முயற்சியை வாசகர்களும் விரும்புகிறார்கள் என்பதற்கு இத்தொகுப்பு வெளியானதும் பெற்ற வரவேற்பே அத்தாட்சி. இளைஞர்களுக்காக பிரத்தியேகமாக எழுதப்பட்ட நூல் என்பதால் பல கல்லூரி மாணவர்களின் வாழ்க்கையில் திருப்பங்களை ஏற்படுத்திய முக்கியத்துவம் வாய்ந்த தொகுப்பு.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
மாற்றியமைக்கப்பட்ட முதல் பதிப்பு: ஆகஸ்டு 2017
3-ஆவது பதிப்பு: ஜனவரி 2019

• சக்தி விகடனில் தொடராக வந்து வரவேற்பைப் பெற்ற கட்டுரைகளின் தொகுப்பு இது. ஒரே மூச்சில் வாசித்து விடுகிற சுவை கொண்ட புத்தகம்.

• இன்றைய இளைஞர்கள் பெரும்பாலும் இரண்டாம் தலைமுறையைச் சார்ந்தவர்களாக இருக்கிறார்கள். அவர்கள் நேரடியாக ஏமாற்றங்களையும், அதிர்ச்சிகளையும் சந்திப்பதில்லை. மனரீதியாக பெற்றோரின் கருவறைக்குள்ளேயே அவர்கள் இருக்க விரும்புகிறார்கள். எல்லாவற்றுக்கும் தயாரித்து வைத்த விடைகள் கிடைக்காதா என்று எதிர்பார்க்கிறார்கள். சந்திக்கிற மனிதர்கள் எல்லாம் கணினியைப்போல இயங்க வேண்டுமென்று எதிர்பார்க்கிறார்கள். முதல் முறையிலேயே கணக்கின் விடையைக் கண்டுபிடித்துவிட வேண்டும் என்பது அவர்கள் அவா.

• இன்று நாட்டின் பல பிரச்சினைகளுக்கு யார் யாரோ யோசனை சொல்கிறார்கள். அவர்கள் வீட்டில் இருக்கும் சின்னப் பிரச்சினையைத் தீர்க்க முடியாமல்தான் அவர்கள் திண்டாடுகிறார்கள். அவர்கள் சட்டை பிரிந்திருப்பது தெரியாமல் பாராளுமன்றக் கட்டடத்தின் ஓட்டைகளைப் பற்றியும், அதில் ஒட்டடை படிந்திருப்பதைப் பற்றியும் மணிக்கணக்கில் விவாதிக்கிறார்கள்.

• எப்போதும் ஒருவரிடம் கருத்துச் சொல்கிறபோது சாதகங்களை முதலில் சொல்ல வேண்டும். அதற்குப் பிறகு பாதகங்களைச் சொல்ல வேண்டும். அப்போதுதான் எதிராளி நம் கருத்தை முழுவதுமாக ஏற்றுக்கொள்வார். எடுத்தவுடன் குறைகளைப் பட்டியலிட்டால், நம் கருத்து குறைப் பிரசவமாகிவிடும்.

• பக்கவாட்டுச் சிந்தனையும், பெட்டிக்கு வெளியே சிந்திப்பதும் மேற்கத்திய உபயங்கள்அல்ல. அவற்றை கிழக்கத்திய இதிகாசங்களும், ஞான நூல்களும் பெயர் சொல்லாமல் பயன்படுத்தியிருக்கின்றன, ஞானிகளும் அவற்றைப் பயன்படுத்தி அரிய உண்மைகளை சீடர்களுக்கு உணர்த்தியிருக்கிறார்கள் என்பதைச் சொல்லும் இந்த நூல் பல உருவகக் கதைகளையும், பக்கவாட்டுச் சிந்தனைப் புதிர்களையும் நம் முன் வைக்கிறது. வாசகர்களை சிந்திக்கத் தூண்டும் இந்நூல் சின்ன வயதிலிருந்தே மாணவர்கள் படைப்புத் திறனுடன் உருவாக என்ன செய்ய வேண்டும் என்பதையும் குறிப்பிடுகிறது.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: நவம்பர் 2014 (விகடன் பதிப்பகம்)
3-ஆவது பதிப்பு: செப்டம்பர் 2016 (விகடன் பதிப்பகம்)
4-ஆவது பதிப்பு: 2019 (விஜயா பதிப்பகம்)

• இதுவும் சக்தி விகடனில் தொடராக வந்த நூல்.

• இது குறித்து சிறந்த சொற்பொழிவாளரான தமிழருவி மணியன் கூறுகையில்,
  ‘எல்லா உயிருக்கும் இன்பம் என்பது தானமர்ந்து வரூஉம் மேவற்றாகும்’ என்பது தொல்காப்பியம் தரும் செய்தி. மண்ணில் உள்ள அனைத்து உயிர்களும் இன்பம் நோக்கியே நகர்கின்றன. ஆனால், மனித இனம் மட்டும் இன்பத்தை விரும்பி, எல்லா வகைகளிலும் துன்பம் தரும் செய்கைகளிலேயே ஈடுபட்டு நிற்கிறது. இதற்கு அடிப்படைக் காரணம் அறத்துக்குப் புறம்பான ஆசை; வாழ்க்கை குறித்த தெளிவான புரிதலின்மை; நிலையற்ற பொருட்களிடம் நீங்காத பற்று.

• எப்போதும் கானம் பாடும் ஒரு பறவையைப்போல், ஆனந்தக்கூத்தாடும் அலையைப்போல், துள்ளிக் குதித்தோடும் நதியைப்போல் நாமும் இருக்க வேண்டும் என்ற இறையன்புவின் இதய விருப்பத்தில் விளைந்ததுதான் ‘எப்போதும் இன்புற்றிருக்க...’ என்னும் இந்த இனிய படைப்பு. இறையன்புவின் பேனா என்றும் பிரசவிப்பது பொய் வேடம் புனையாத எழுத்து; போலித்தனத்தின் மூகமூடிகளைக் கிழித்தெறியும் தார்மீக ஆவேசம் கொண்ட கருத்து.

• தமிழ்கூறும் நல்லுலகின் சிந்ததைனைக்கு தரமான படைப்புகள் மூலம் உரம் போடும் விகடன் பிரசுரம் தன் மகுடத்தில் பதித்துக்கொண்ட சுடர்மிகு மணிகளுள் இறையன்புவின் இந்த நூலும் ஒன்றாகத் திகழ்வதில் மகிழ்ச்சி’ என்று குறிப்பிடுகிறார்.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: நவம்பர் 2014 (விகடன் பதிப்பகம்)
10-ஆவது பதிப்பு: ஜூலை 2015 (விகடன் பதிப்பகம்)
11-ஆவது பதிப்பு: ஜனவரி 2020 (விஜயா பதிப்பகம்)

• உழைப்பது மனித குலத்திற்கு மட்டுமே சொந்தமான சொத்து. பிற உயிரினங்கள் உணவுக்காகப் போராடுகின்றன. ஓடுகின்றன, தாவுகின்றன, வேட்டையாடுகின்றன, மேய்கின்றன, பறிக்கின்றன, சேகரிக்கின்றன, சேமிக்கின்றன, பதுக்குகின்றன. உணவுத் தேவை முடிந்ததும் ஒய்யாரமாக ஓய்ந்து விடுகின்றன. வாழ்க்கையைத் தக்கவைத்துக்கொள்ளும் முயற்சியில் அவை ஈடுபடுகின்றன. தங்களுக்காக மட்டுமே அவற்றின் தேடல். ஆனால் மனிதன் உணவைத் தாண்டி உழைக்கிறான். மற்றவர்களுக்காகவும் வியர்வை சிந்துகிறான். கலையாகவும், கட்டடமாகவும் அழகுணர்வைக் கையகப்படுத்தி காவியங்கள் படைக்கிறான். உழைப்பு இன்று உயர் சாதனங்களால் எளிமையாக்கப்பட்டு விட்டது. இரண்டு மாதங்களில் தோன்றிய கிணறை இன்று இரண்டு நாட்களில் ஆழ்குழாயாக அமைத்து விடலாம். அதே நேரத்தில் பணிப் பண்பாடு குறைந்து வருகிறது. உழைப்பது உடலுக்கும், உள்ளத்திற்கும் நல்லது, எல்லா மக்களும் ஓரளவிற்கு உழைக்கும் நாடுகளே இன்று முதல் வரிசையில் இடம்பெற்றிருக்கின்றன என்பதை சம்பவங்களோடும், சான்றுகளோடும் எடுத்துரைக்கும் நூல். படித்து முடித்ததும் இன்னும் ஒரு மணி நேரம் தினமும் பணியாற்ற வேண்டும் என்கிற எண்ணத்தை ஏற்படுத்தும் நூல்.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: ஆகஸ்டு 2013 (குமுதம் பதிப்பகம்)
2-ஆவது பதிப்பு: அக்டோபர் 2014 (விகடன் பதிப்பகம்)
3-ஆவது பதிப்பு: மார்ச் 2018 (விஜயா பதிப்பகம்)

• அடுத்தவர் நேசிக்கும் மனிதராக மாற எப்படிப்பட்ட தோற்றம் தேவை? எந்தப் புன்னகை உண்மையானது? ஒவ்வோர் உடலுக்கும் ஒரு வாசம் உண்டு, தெரியுமா? எதிரே இருப்பவர் நம்மிடம் பேச ஆர்வமாக இருக்கிறாரா என்பதை எப்படித் தெரிந்துகொள்வது? கெட்ட செய்தியைக் கேட்டால் வயிற்றைக் கலக்குகிறதே, எதனால்? முகரும் திறன் ஆண்களைக் காட்டிலும் பெண்களுக்கு அதிகம், ஏன்? நாம் அனைவருமே கீழே விழுவதுபோல ஒரு முறையாவது கனவு கண்டிருக்க வேண்டுமே, எதனால்? சிலரைப் பார்த்த மாத்திரத்தில் பிடித்துப் போகிறதே, ஏன்?

• ஒருவருடைய உடல் உணர்த்தும் குறிப்புகளைக்கொண்டு நம்முடைய பணியை எப்படிச் செம்மையாகச் செய்வது, எதிரே இருப்பவர் நம்பகமானவரா என அறிவது என்று உடலில் தொடங்கி உடல்மொழி மூலம் உள்ளம் தொடும் முயற்சியே இந்த நூல்.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: டிசம்பர் 2014 (விகடன் பதிப்பகம்)
3-ஆவது பதிப்பு: நவம்பர் 2016 (விகடன் பதிப்பகம்)
4-ஆவது பதிப்பு: ஜனவரி 2020 (விஜயா பதிப்பகம்)

• இந்நூலிற்கு வழங்கப்பட்டுள்ள அணிந்துரையின் ஒரு பகுதி:
  ‘இந்த பிரம்மாண்டமான நூல் விஞ்ஞானத் தமிழ் உலகத்திற்கு ஒரு குறிப்பிடத்தக்க மைல்கல் நிகழ்வு. மூளை என்ற வியப்பூட்டும், பிரமிக்க வைக்கும் உலகத்திற்கு கரம் பற்றி நம்மை நடைபழக்கும் இனிய சுற்றுலா. விஷய அடர்த்தி, சிந்தனைச் செரிவு, புகைமூட்ட உலகிற்குத் தெளிவு நல்கும் சால்பு, விஞ்ஞானத்தைச் சுவையுடன் குழைத்து தாயினும் சாலப் பரிந்து ஊட்டும் சிறப்பு, விஞ்ஞானத்தை வாழ்வியலுடன் இணைத்து நம் ஆளுமைக்கு வளமூட்டும் பாங்கு - இந்தக் காரணிகள் வாசிப்பு அனுபவத்திற்கு செழுமையையும், சுவையையும், வாழ்வியல் பயன்பாட்டையும் நல்கியுள்ளன.

• நம் கையைப் பரிவுடன் பற்றிக்கொண்டு, நமக்கு பல அதிசயங்களைக் காண்பித்துக்கொண்டும், வழிநடத்தியும் உடன் வருகிறார் ஆசிரியர். மனித மூளையின் பற்பல விசகிப்புகளை இனங்காட்டுகிறார். நம்மை வியப்பில் ஆழ்த்துகிறார். விஞ்ஞானத் தமிழ் இலக்கியத்தில் இந்த நூல் ஒரு குறிப்பிடத்தக்க வரவு.’

-டாக்டர் கே.எஸ். சுப்பிரமணியன்


• ‘இலக்கியச் சிந்தனை’ அமைப்பு 2018-ஆம் ஆண்டிற்கான இரண்டு சிறந்த நூல்களில் ஒன்றாக ‘மூளைக்குள் சுற்றுலா’வைத் தேர்ந்தெடுத்து பரிசு வழங்கியது.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: டிசம்பர் 2018
மூன்றாவது பதிப்பு: செப்டம்பர் 2019

• புதிய தலைமுறை வார இதழில் 45 வாரங்கள் வெளிவந்த கட்டுரைகளின் நூல் வடிவம் இது. தமிழில் பயணக் கட்டுரை நூல்கள் நிறையவே வந்திருக்கின்றன. ஆனால் பயணங்களை வரலாற்றுக் கோணத்தில் அணுகுகிற நூல்கள் அநேகமாக இல்லை. அந்தக் குறையைப் போக்கும் வித்தியாசமான நூல் இது.

• பயணக் கட்டுரை என்பது பெரும்பாலும் ஒரு நாட்டிற்கு அல்லது இடத்திற்குச் சென்று வந்த அனுபவத்தையும், அங்கு கண்டவற்றையும், உண்டவற்றையும் பற்றிப் பேசுகிற சுய அனுபவப் பதிவுகளாக அமைந்திருக்கும். ஆனால், இந்த நூல் பயணத்தை வரலாற்றின் வெளிச்சத்தில் அணுகுகிற நூல். நாம் அன்றாடம் உண்ணுகிற உணவு, தினந்தினம் காண்கின்ற விலங்குகள், பறவைகள், தாவரங்கள், வாசித்து மகிழ்கிற இலக்கியம், கேட்டு நெகிழ்கிற இசை, பல பழக்கவழக்கங்கள், நம்பிக்கைகள், ஏன் சில விழுமியங்களேகூடப் பயணங்கள் நம் மீது ஏற்படுத்திய மாற்றங்களின் விளைவாக நேர்ந்தவை. அந்தப் பயணங்கள் நேற்றோ அல்லது நெடுங்காலத்திற்கு முன்போ நிகழ்ந்தவைகளாக இருக்கலாம். சுருக்கமாகச் சொல்லப்போனால், அறிவியலுக்கு நிகராக வாழ்வின் மீது தாக்கங்களை ஏற்படுத்தி மாற்றங்களைக் கொண்டு வந்த சிறப்புப் பயணங்களும் உண்டு.

• கலை, பண்பாடு, விளையாட்டு, உணவு, விளைபொருட்கள், விலங்கினங்கள், மருத்துவம், தானியங்கள், தாவரங்கள் போன்ற பலவும் பல்வேறு நாடுகளுக்கிடையிலான பயணங்களால் பரிமாறிக்கொள்ளப்பட்டவை எனும் வரலாற்றுத் தகவல்கள் மலைக்கவும், மயக்கவும் வைக்கின்றன. இப்புத்தகம் முன்வைக்கும் பயணங்களின் பயன்பாடுகளையும், அவற்றின் ருசியையும், பிரம்மாண்டத்தையும், அவசியத்தையும் வாசிக்கிறபோது பயணத்தின் மீதான ஆவலும், பிரியமும் பயணங்கள் மீதான ஒருவகைக் காதலாகக் கைகூடி விடுகிறது. பயணங்கள் ஏற்படுத்திய நன்மைகளைப் பற்றிப் பேசும் இந்த நூல், அதே நேரத்தில் துயரம் நிறைந்த பயணங்களையும் சுட்டிக்காட்டத் தவறவில்லை. பயணம் செல்லாமல் தீவாகத் தேங்கியவர்கள் அடைந்த நாகரிக வீழ்ச்சியையும் இது குறிப்பிடுகிறது. சாகசப் பயணங்கள் பற்றிப் பட்டியலிடும் இது தனி மனிதர்கள் பயணத்தால் பெறுகிற மனரீதியான நன்மைகளையும், உடல்ரீதியான ஆதாயங்களையும் வெளிப்படுத்தி உடனே நம்மைப் பயணம் செய்யத் தூண்டுகிறது. இந்த ஒரு புத்தகத்தைப் படிப்பதன் மூலம் ஒருவர் பல புத்தகங்களைப் படித்த பயனைப் பெற முடியும் என்பது உறுதி.

• 2012-ஆம் ஆண்டு திருப்பூர் தமிழ்ச் சங்கத்தின் சிறந்த நூலுக்கான விருதினைப் பெற்றது இந்நூல்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: டிசம்பர் 2010 (புதிய தலைமுறை பதிப்பகம்)
6-ஆவது பதிப்பு: செப்டம்பர் 2015 (புதிய தலைமுறை பதிப்பகம்)
7-ஆவது பதிப்பு: ஜூலை 2018 (நியூ செஞ்சுரி புக் ஹவுஸ் (பி) லிட்.)
8-ஆவது பதிப்பு: நவம்பர் 2019 (நியூ செஞ்சுரி புக் ஹவுஸ் (பி) லிட்.)

• போரையும், வாழ்வையும் தொடர்புபடுத்தி எழுதப்பட்டுள்ள இந்நூலில் உலகளாவிய போர்கள், வெற்றி தோல்விகள், துல்லியமான யூகங்களால் ராஜ்ஜியங்களைக் கைப்பற்றிய வீரர்கள், அசாத்திய படைபலத்தால் அரசாண்ட மன்னர்கள், வீழ்த்தப்பட்ட அரண்மனைகள், தவறான கணிப்புகளால் சரிவைச் சந்தித்த ராஜ்ஜியங்கள், துரோகங்களால் முடியிழந்த மாவீரர்கள், புத்திக்கூர்மையால் புதிய அரசுக்கு வித்திட்ட தளபதிகள் போன்று அரசாட்சிக்கு அடிகோலிய அத்துனை சாதுர்யங்களும், சரிவுக்குக் காரணமாய் அமைந்த மலிவான சூழ்ச்சிகளும் விரிந்து விரிந்து சொல்லப்பட்டுள்ளன. இவற்றிலிருந்து நடைமுறை வாழ்வில் முன்னேற்றத்திற்கான அடித்தளங்களை கண்டடையும் வியூகங்கள் ஒவ்வொன்றாய் வாசகர் கண்முன் சித்திரங்களாய் விரிகின்றன. போரின் உத்திகளை நிர்வாகத்திற்கும், வர்த்தகத்திற்கும், மேலாண்மைக்கும் இன்று எப்படிப் பயன்படுத்தலாம் என்பதை உதாரணங்களாகக் கூறும் இந்நூல் ‘போர் விரும்பத் தக்கதல்ல, ஆனால் போர்க்குணம் எல்லோருக்கும் தேவை’ என்பதை வலியுறுத்திச் செல்கிறது. பாரதியாருடைய ‘போர்த்தொழில் பழகு’ என்று தலைப்பைத் தாங்கிய இது தமிழில் போர்க்கலை பற்றிய முதல் நூலென்று கருதத் தக்கது.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜனவரி 2013 (புதிய தலைமுறை பதிப்பகம்)
4-ஆவது பதிப்பு: செப்டம்பர் 2015 (புதிய தலைமுறை பதிப்பகம்)
5-ஆவது பதிப்பு: ஜூலை 2018 (நியூ செஞ்சுரி புக் ஹவுஸ் (பி) லிட்.)
6-ஆவது பதிப்பு: நவம்பர் 2019 (நியூ செஞ்சுரி புக் ஹவுஸ் (பி) லிட்.)

• வரலாறு முழுவதும் எண்ணற்ற தலைவர்களும், தளபதிகளும் வாளை உயர்த்திப் பிடித்துக்கொண்டு வீரத்தை வெளிப்படுத்தியிருக்கிறார்கள். புராண காலத்திலிருந்து மத்திய காலம் வரை முக்கியமான ஆளுமைகளின் தலைமைப் பண்புக்கான அடிப்படைக் காரணத்தை அவர்கள் வாழ்க்கைக் குறிப்புகளோடு நயமாக விளக்குவதுதான் வையத் தலைமைகொள் என்கிற இந்த நூல். மூன்றாம் துட்மோஸ் என்கிற எகிப்திய நெப்போலியன் என்று அழைக்கப்பட்ட வீரனில் தொடங்கி ஷேக்ஸ்பியர் வரை 46 ஆளுமைகளைப்பற்றி அலசுகிறது இந்நூல். வெற்றிக்கான காரணங்களை மட்டுமல்லாமல் தோல்விக்கான காரணங்களையும் பேசுகிறது. போரில் மட்டுமல்ல, அறிவியலிலும் ஆன்மிகத்திலும் இலக்கியத்திலும் சாதித்தவர்களைப்பற்றிக் குறிப்பிடுகிறது. அவர்கள் எப்படி முக்கியத்துவம் பெற்றார்கள் என்பதைப் பேசும் இந்த நூல் தமிழில் இப்பிரிவில் வெளிவந்த முதல் நூலாகக் கருதத் தக்கது.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
3-ஆவது பதிப்பு: ஜூலை 2017 (புதிய தலைமுறை பதிப்பகம்)
4-ஆவது பதிப்பு: ஜூலை 2018 (நியூ செஞ்சுரி புக் ஹவுஸ் (பி) லிட்.)
5-ஆவது பதிப்பு: செப்டம்பர் 2018 (நியூ செஞ்சுரி புக் ஹவுஸ் (பி) லிட்.)
6-ஆவது பதிப்பு: நவம்பர் 2019 (நியூ செஞ்சுரி புக் ஹவுஸ் (பி) லிட்.)

• சிம்மாசனத்திற்கு ரகசியக் குறுக்குவழி ஒன்றுமில்லை. மிக வெளிப்படையான வழி ஒன்றே இருக்கிறது. அது எல்லோருக்கும் நன்மையளிக்கும் செயல்களில் நேர்மையுடன் ஈடுபடுவதே. அவ்வாறு நற்செயல்களில் ஈடுபட்டு உழைப்பவர்களின் காலடிகளில் சிம்மசானங்கள் வந்து சரணடையும். வரலாறு இதையே நமக்கும் போதிக்கிறது.

• சிம்மாசனங்களை அடைவதைக்காட்டிலும் அவற்றைத் தக்கவைப்பதே சிரமம். அடைவதற்கும், தக்கவைத்துக்கொள்வதற்கும் வரலாறு வழங்கும் பாடங்களை வசியம் நிறைந்த மொழியில், தனக்கே உரிய நடையில் நம் உள்ளத்துள் நிறைக்கிறார் இறையன்பு.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: பிப்ரவரி 2014
5-ஆவது பதிப்பு - ஜூலை 2018

• நட்பும், நம்பிக்கையும் களமிறங்கும்போது கூடவே துரோகமும் இறங்கி விடுகிறது. ஒவ்வொரு காலகட்டத்திலும் மனிதம் தம்மை உணரும்போதோ, திரும்பிப் பார்க்கின்றபோதோ சுவாரசியங்களினூடே துரோகமும் களை போன்று தெரியும். அதற்காக வருந்தாது அதைப் பிடுங்கியெறிந்துவிட்டுச் செல்வதில்தாம் வாழ்க்கை இருக்கிறது. இந்த நூலில் வரலாற்றிலும், இலக்கியத்திலும் நம்ப வைத்து கழுத்தறுத்த பல நிகழ்வுகள் கூறப்பட்டிருக்கின்றன. அவற்றை வாசிக்க வாசிக்க மனித வரலாறே துரோகங்களின் தொகுப்புதானோ என்கிற அயர்ச்சி ஏற்படவே செய்கிறது. ஆனால் கடைசி அத்தியாயம் இவையெல்லாம் நிகழ்ந்தாலும் முகம் தெரியாத மனிதர்கள் ஆற்றும் உதவிகளும், வெளிப்படுத்தும் பண்புகளும் நம்மை நம்பிக்கைகொள்ளச் செய்கின்றன. எனவே வாழ்க்கையில் யார் துரோகம் செய்தாலும் எச்சரிக்கையுடன் இருக்கும் அதே நேரத்தில் முடிந்த அளவிற்கு மற்றவர்களுக்கு நாம் உதவ வேண்டும் என்பதையும், மானுடம் இன்றும் நம்பிக்கைக்குரியதாகவே இருக்கிறது என்பதையும் உணர்த்தும் விதமாக இந்நூல் முடிகிறது. துரோகங்களைத் தொகுத்தளித்த முதல் நூல் இது.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: டிசம்பர் 2013
5-ஆவது பதிப்பு - ஜூன் 2017

• தினத்தந்தி நாளிதழில் ஞாயிறு மலரில் 100 வாரங்கள் தொடர்ந்து எழுதிய கட்டுரைகளின் தொகுப்பு. கௌதம புத்தரில் தொடங்கி நவீன சிந்தனையாளர்கள் வரை பலருடைய பொன்மொழிகளை விளக்கும் வகையில் ஆசிரியரின் பிரதிபலிப்புகள் அடங்கிய தொடராக வந்த இது வாசகர்களின் பலத்தை வரவேற்பைப் பெற்றது. உலக இலக்கியங்கள், அறிஞர்கள் என பலரையும் மேற்கோள் காட்டி விரிந்த வாசிப்புத் தரத்தை உள்ளடக்கி வாசகர்களுக்கு பல்வேறு விதமான அனுபவங்களை அள்ளி வழங்கிய தொடர். நூலாக வந்தபோதும் அதிக எண்ணிக்கையில் விற்பனையானது. இன்றும் பலர் விரும்பிப் படிக்கும் நூலாக உள்ளது. ஏற்கெனவே பழக்கமான பொன்மொழிகளுக்கு வித்தியாசமான விளக்கங்கள் அளிக்கப்பட்டிருக்கின்றன. மனவியல், வரலாறு, அறிவியல் போன்ற துறைகளைச் சார்ந்த திருப்புமுனை ஏற்படுத்திய வாசகங்களும் இந்த நூலில் இடம்பெற்றிருக்கின்றன.

பதிப்பாளர்
தினத்தந்தி பதிப்பகம்,
86 ஈ.வி.கே. சம்பத் சாலை,
வேப்பேரி, சென்னை 600007.
தொலைபேசி: 044-25303000
முதல் பதிப்பு: செப்டம்பர் 2015
5-ஆவது பதிப்பு - ஜனவரி 2017

• இந்தியாவின் தேசியச் சின்னங்கள் குறித்தும், தமிழக இலச்சினைகள் குறித்தும் நமக்கு என்ன தெரியும்? நம்முடைய அன்றாட வாழ்வில் இவற்றைப் பலமுறை கடந்து சென்றிருக்கிறோம் என்றாலும், அவற்றின் பின்னணியையோ வரலாற்றையோ நாம் சிந்தித்துப் பார்ப்பதில்லை. அந்தக் குறையைப் போக்குவதே இந்தப் புத்தகத்தின் நோக்கம். நம்முடைய நீண்ட பாரம்பரியத்தையும், வண்ணமயமான கலாச்சாரத்தையும் தெரிந்துகொள்ள உதவும் முக்கியமான கையேடு இது. மாணவர்கள்கூடப் புரிந்துகொள்ளும் வகையில் அமைந்திருப்பது இந்நூலின் தனிச் சிறப்பு.

• தேசிய விலங்கு, தேசிய மரம், தேசியப் பழம், தமிழகப் பறவை, தமிழக மரம், தமிழக மலர் என்று தொடங்கி இந்தியாவையும் தமிழகத்தையும் புரிந்துகொள்ள உதவும் முக்கியமான சின்னங்களையும் இலச்சினைகளையும் எளிய மொழியில் அதன் வரலாற்றுப் பின்புலத்துடன் சுவைபட அறிமுகப்படுத்துகிறது இந்நூல். தமிழக அரசு இலச்சினையில் இடம்பெற்றிருப்பது ஸ்ரீவில்லிப்புத்தூர் கோபுரம் அல்ல என்ற புதிய தகவலை ஆதாரங்களுடன் நிரூபித்துக் காட்டுகிறார் ஆசிரியர்.

• இந்நூலை வாசித்து முடிக்கும்போது தேசத்தின் மீதும், தாய் மாநிலத்தின் மீதும் அதிக நேயமும், மதிப்பும் ஏற்படுவதோடு தேசியகீதத்தைக் கேட்கும்போது இன்னும் பெருமிதத்தோடு எழுந்து நிற்க முடியும் என்பதே இந்தப் புத்தகத்தின் வெற்றி.

பதிப்பாளர்
எஸ்.ஆர்.வி. தமிழ் பதிப்பகம்
சமயபுரம்
திருச்சி 621112
சென்னை 600007.
தொலைபேசி: 044-42009603
முதல் பதிப்பு: ஜனவரி 2019

• நகைச்சுவை நம் வாழ்க்கையை இனிமையாக்குகிறது. ‘உம்’ என்று இருப்பவர்களை யாரும் அணுகுவதில்லை. புன்னகையோடும், கண்களில் குறும்பு கலந்த நகைச்சுவையோடும் பேசுபவர்களைச் சுற்றி எப்போதும் கூட்டம் இருக்கும். நாம் சிரிக்க மாட்டோமா என்று ஏங்குகிற அளவிற்கு வாழ்க்கை பரபரப்பாகி விட்டது. அதனால்தான் ஒரு காலத்தில் சோகப்படங்களை விரும்பிப் பார்த்த தமிழக மக்கள் இன்று நகைச்சுவைத் தொலைக்காட்சி நிகழ்ச்சிகளை கண்டுகளிக்கிறார்கள். மகாத்மா காந்தியோடு பேசிக்கொண்டிருந்த சார்ளி சாப்ளின் அவருடைய நகைச்சுவையைக் கேட்டு அதிக நேரம் சிரித்துக் கொண்டிருந்ததாக தகவல்கள் உண்டு. அந்த அளவு நகைச்சுவை உணர்வு இருந்ததால்தான் விளம்பர வெளிச்சம் இல்லாத காலத்தில் பட்டிதொட்டிகளிலெல்லாம் காந்தியின் மகிமை அறியப்பட்டிருந்தது.

• எந்த நிகழ்வையும் நகைச்சுவைக் கண்ணோடு பார்க்க முடியும் என்பதற்கு இதில் இடம்பெற்றிருக்கிற பல கட்டுரைகள் சான்று. பொதுவாக இறையன்பு என்றால் கனமான விஷயங்களை மட்டுமே எழுதுவார் என்கிற பரவலான எண்ணத்தை மாற்றியமைத்த நூல். உலகத்தில் எப்போதும் நாம் சிரிப்பதற்கான காட்சிகள் அரங்கேறிக்கொண்டேயிருக்கின்றன. நாம்தான் கவனிக்கத் தவறி விடுகிறோம்.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
13-ஆவது பதிப்பு: 2016
15-ஆவது பதிப்பு: 2020

• உலக நாடுகள் பலவற்றில் வழங்கப்படும் அறிவு சார்ந்த கதைகளும், நாட்டுப்புரக் கதைகளும் ஒட்டுமொத்தமாக பரவலான வாசகர்களைச் சென்றடைவதில்லை. உதாரணத்திற்கு, நம் நாட்டிலேயே மிகவும் சிந்திக்கத் தக்க நாட்டுப்புரக் கதைகள் உள்ளன. மரங்கள் தோன்றியதைப் பற்றி கற்பனைக் கதைகள் உண்டு. அரேபிய ஞானமும், சீன ஞானமும் நடைமுறை வாழ்க்கையோடு நெருங்கிய தொடர்பு கொண்டவை. இப்படி அதிகம் அறியப்படாத கதைகளைத் தேர்ந்தெடுத்து அவற்றை சித்திரத்தைப்போல எழுதியிருக்கிறார் இறையன்பு. குமுதம் வார இதழில் தொடராக வெளி வந்தது. தாகூர் கல்வியைப் பற்றி எழுதியுள்ள கிளிக் கதை அந்தக் காலத்திலேயே கல்வியின் நிலை திணிக்கப்படுவதாக இருந்தது என்பதை உணர்த்துகிறது. அதோடு தாகூர் சாந்தி நிகேதன் தோற்றுவித்ததற்கான காரணத்தையும் அது விளக்குகிறது. சின்னச்சின்ன வாசிப்புகளாக பேருண்மையை நோக்கி நம்மைப் பயணம் செய்ய வைக்கும் படைப்பு.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: செப்டம்பர் (குமுதம் பதிப்பகம்)
2-ஆவது பதிப்பு: மார்ச் 2018(விஜயா பதிப்பகம்)

• தேர்ந்தெடுக்கப்பட்ட ஹைக்கூ கவிதைகளின் பிரதிபலிப்புகளைத் தொகுத்து இந்நூல் உண்டாக்கப்பட்டது. வெட்டுப்பட்ட பிறகு சதுரங்கக் காய்கள் அனைத்தும் பெட்டிக்குள் சென்று சமமாகி விடுகின்ற நிகழ்வை ஜென் கவிதை ஒன்று குறிப்பிடுகிறது. துப்புரவு பற்றி தமிழ் ஹைக்கூ கூறுகிற நுட்பமும் இந்த நூலில் அலசப்பட்டிருக்கிறது. வாசிப்பதற்கு சரளமான இந்த நூல் ஹைக்கூ கவிதைகள் பற்றிய பரவலான புரிதலை ஏற்படுத்துகிறது.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: டிசம்பர் 2005
3-ஆவது பதிப்பு - அக்டோபர் 2009

• ஆசிரியரின் வார்த்தைகளில்...

• தினத்தந்தியில் கதம்பம்போல் வாரந்தோறும் வருமாறு தொடர் எழுத வேண்டும் என்று முடிவு செய்தபோது மனிதர்களையும், புத்தகங்களையும், கவிதைகளையும் எழுதலாம் என்று தோன்றியது. திரைப்படங்கள் பலவற்றில் சொல்ல முடியாத கருத்துகளைக் குறும்படங்களில் காண முடிந்தபோது சிறந்த குறும்படங்களையும் வாசகர்களுக்கு அறிமுகப்படுத்த வேண்டும் எனத் தோன்றியது. ஓய்வு நேரங்களில் நண்பர்களுடன் பேசிக்கொண்டிருந்தபோது சில சிந்தனைகள் சிறகடிப்பதுண்டு. அவற்றையும் ‘சிந்தித்தவை’ எனப் பதிவு செய்யலாம் எனத் தோன்றியது. கதம்பம்போல் ‘சிந்தித்தவை, சந்தித்தவை, படித்தவை, பார்த்தவை, ரசித்தவை’ என்று வாரந்தோறும் தொடராக எழுதியபோது எனக்கே அது சிலிர்ப்பான அனுபவமாக இருந்தது. இப்போது கற்பகம் புத்தகாலயத்தினர் அதை அழகிய நூலாக வெளிக்கொண்டு வந்துள்ளனர்.

பதிப்பாளர்
கற்பகம் புத்தகாலயம்,
4/2 சுந்தரம் தெரு (நடேசன் பூங்கா அருகில்),
தி. நகர், சென்னை 600017,
தொலைபேசி: 044-24314347.
முதல் பதிப்பு: மார்ச் 2021

• ‘உணர்வதையெல்லாம் உணர்த்த முடியாது. உள்ளே தேடி ஒவ்வொரு மனிதனும் அறிவது ஒன்றே ஞானம் பயிலும் முதல் படியாகும். உள்ளே தேட முயலும்போது வெளிச்சம் என்பது வெளியில் இல்லை என்பது புரியும். தனக்குள் ஒளிரும் தன்மையே ஞானம். பேரண்டத்தைக் காட்டிலும் பிரம்மாண்டம் கொண்டது ஆழ்மனம் என்பதை அறிகிறபோதே தேடல் தொடங்கும். நமக்குள் துழவ, நம்மைத் துருவ வெளியே பிசிறுகளாக ஒட்டிக்கொண்டிருக்கும். அத்தனைக் கசடும் தானாய் அகலும், பழுத்த இலையாய் இயல்பாய் உதிரும்.’ இவ்வாறு வாழ்வியல் குறித்த பல செய்திகளைத் தருகிறது இந்நூல்.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: ஆகஸ்டு 2013 (குமுதம் பதிப்பகம்)
2-ஆவது பதிப்பு: மார்ச் 2018(விஜயா பதிப்பகம்)

• வறுமை மட்டுமே மெய்ஞானத்திற்கு வழி என்றால் உலகமே இருட்டின் எதேச்சதிகாரத்திற்கு உட்பட்டிருக்கும். வறுமை அதிக சுயநலத்தையும் குறுகிய பார்வையையும் ஏற்படுத்தும் இழிவு. மானுடம் செழிக்க வேண்டும். வறுமையை விநியோகிக்க முடியாது. செல்வத்தைத்தாம் பகிர்ந்துகொள்ள முடியும். பணத்தைச் சேர்ப்பது வேறு; சேமிப்பது வேறு. சேர்ப்பது என்பது அடுத்தவர்களுக்குச் சொந்தமானவற்றையும் அபகரித்துக்கொள்வது; சேமிப்பது என்பது தன்னுடைய வருமானத்தில் மிச்சம் பிடிப்பது.

• மதங்களைத் தாண்டியது ஆன்மிகம் என்பதை எம்மதமும் சாராமல் அனைத்து மார்க்கங்களின் சாரத்தையும் உள்ளடக்கி வெளிப்படுத்துகிறது இந்நூல்.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
13-ஆவது பதிப்பு: 2016
15-ஆவது பதிப்பு: 2020

• நட்பு நிபந்தனைகளற்ற உறவு. உறவுகளின் உச்சமாகவும், உரிமைகளின் உச்சியாகவும் கருதப்படுகிற உன்னதமான அந்த உணர்வை சகல நேரத்திலும் ஆராய்கிற முயற்சியாக இந்த நூலை நான் எழுதத் தொடங்கினேன். இதில் எனக்கேற்பட்ட சில நேரடி அனுபவங்களையும் ஆங்காங்கே தூவியிருக்கிறேன்.

• மூன்று ஆண்டுகளாக நட்பு குறித்து நான் சேகரித்த தகவல்களையும், நூல்களையும் படித்து அசைபோட்டு அவை எனக்குள் நன்றாக ஊறிய பிறகே இந்த நூலை எழுதத் தொடங்கினேன். முழுக்க முழுக்க நட்பைப் பற்றியே அலசும் தமிழில் முதல் நூல் இதுவாகவே இருக்க முடியும் என்று அனுமானிக்கின்றேன்.

• - இறையன்பு

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: ஜனவரி 2020

• அன்றாடம் காலையில் நண்பர்களுக்கு வணக்கத்தைக் குறுஞ்செய்தி அனுப்புவதோடு சில சிந்தனைகளையும் நான்கு ஆண்டுகளாக அனுப்பும் பழக்கம் ஏற்பட்டது. அவற்றில் சிறந்தவற்றை இலக்கியவாதி ந. முருகேசபாண்டியன் தேர்ந்தெடுத்து தொகுத்ததன் அடிப்படையில் பதிப்பிக்கப்பட்ட நூல்.

• அதிகாலையில் வணக்கத்துடன் சிந்தனையைக் கிளறிவிடுகிற ஒரு செய்தியும் சென்றால் அது அந்த நாளையே மகிழ்ச்சி முலாம் பூசி மனநிறைவு ஏற்படுத்தும் என்கிற அடிப்படையில் அனுப்பப்பட்டவற்றில் நறுக்குத்தெறித்தாற்போல் இருப்பவற்றைத் தொகுத்து வெளியிடப்பட்ட நூல்.

• தகவல் பரிமாற்றம் இன்று வாழ்க்கைத் திறன்களில் ஒன்றாக வரையறுக்கப்பட்டிருக்கிறது. நல்ல தகவல் பரிமாற்றம் தலைமைப்பண்புக்கு அடிப்படை. இன்று இளைஞர்கள் மிடுக்குப் பேசிகளின் காரணமாகக் குறுஞ்செய்தி அனுப்புவது அதிகமாகவும், பேசுவது குறைவாகவும் செய்வதைப் பார்க்கிறோம். மேடைப்பேச்சு மட்டும் அல்ல, தனிப்பட்ட முறையிலும் வசீகரிக்கும் வகையில் உரையாற்றுபவர்களை அனைவரும் நேசிக்கிறார்கள். அவர்களைச் சுற்றி மக்கள் கூடுகிறார்கள். பேச்சு மனித சமுதாயத்திற்கு அளிக்கப்பட்ட மகத்தான வரம். அதை ஆயுதமாகக் கையாண்டவர்கள் மானுடத்தின் விடுதலைக்கு உழைத்தார்கள். தூரிகையாகக் கையாண்டவர்கள் உலகை அழகு செய்தார்கள். கண்களாகக் கையாண்டவர்கள் விழிப்புணர்வு பெறச் செய்தார்கள். இந்த நூலில் விலங்குகளின் தகவல் பரிமாற்றம் தொடங்கி மனிதர்களின் தகவல் பரிமாற்றம் வரை அத்தனை அம்சங்களும் விளக்கப்பட்டிருக்கின்றன. முதல் பகுதியில் தகவல் வளர்ந்த வரலாறு, இரண்டாம் பகுதியில் தனிமனித உரையாடல் குறித்த நுட்பங்கள், மூன்றாம் பகுதியில் மேடைப்பேச்சின் கூறுகள் ஆகியவை விலாவாரியாக எடுத்துரைக்கப்பட்டுள்ளன. வாழ்வில் மின்ன விரும்புகிறவர்கள் வாசிக்க வேண்டிய நூல்.

• 'எழுதுவது' எல்லோரும் விரும்புகிற விஷயம். ஆனால் பலருக்கு பல்வேறு கோணங்களில் வெளிப்படுகிறது. ஒருவரின் சமூக வாழ்நிலையும், வளர்ந்த சூழல் மற்றும் சுற்றுப்புறங்களின் பாதிப்பும்தான் எழுத்திற்கான அடித்தளமாகிறது. அவ்வகையில் இறையன்பு அவர்கள் தன் நெருக்கடியான அலுவலகப் பணிகளுக்கிடையில், அவருடைய வேலைக் களைப்பைப் போக்கிக்கொள்ளும் விதமாக தனக்கு நேர்ந்த அனுபவங்களையும், பாதித்த நிகழ்வுகளையும் போகிற போக்கில் வாசகர்களுடன் பகிர்ந்துகொள்கிறார். எப்பொழுதுமே யதார்த்தத்தில் நடக்கின்ற நிகழ்வுகளுக்கு ஒரு வலிமை உண்டு. அதன் பாதிப்புதான் ‘நெஞ்சைத் தொட்டதும் சுட்டதும்’ என்பதை இதனைப் படிப்பவர்கள் உணர்வார்கள்.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
5-ஆவது பதிப்பு: 2017

• ‘எல்லோருக்கும் வாழ்வதற்கான பொருள் உண்டு. அதை அவரவர்தான் தேடிக் கண்டுபிடிக்க வேண்டும் என்பதைப் பள்ளிப்பருவத்திலேயே உணர்ந்து விட்டேன். ஒவ்வொரு தோல்வியும் ஒரு சின்ன மரணம். ஒவ்வொரு அவமானமும் அதுதான். அவை பலரைச் சிதைக்கின்றன. சிலரைச் செதுக்குகின்றன. தோல்வியையும், துயரத்தையும் உறவுகளாக மாற்றிக்கொள்பவர்கள்தான் சிற்பமாகச் சிறப்படைகிறார்கள்’ என்கிறார் இறையன்பு இந்நூலில்.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
4-ஆவது பதிப்பு: 2016

• ‘செய்தி தரும் சேதி என்கிற இந்தத் தொடரை எழுதத் தொடங்கியதும் செய்தித்தாளை வாசிக்கும் பார்வையே எனக்கு மாறிப்போனது. உன்னதமானவற்றையும், உதாரணமானவற்றையும் தேடித்தேடிப் படித்தேன். அவற்றை மனத்தில் அசைபோட்டபோது என் இதயமும் இளகியதுபோலத் தெரிந்தது. தொடக்கத்தில் ஒன்றிரண்டு மட்டுமே அகப்பட்டன. நாளடைவில் கணக்கற்ற செய்திகள் ஓடிவந்து என் கைவிரல்களைப் பிடித்துக்கொண்டு எழுதச் சொல்லி அடம்பிடித்தன. ஒரே மாதிரியான செய்திகளை திரும்பத்திரும்பத் தர விரும்பவில்லை. காரணம், குடிப்பது தேனாக இருந்தாலும் அதிலேயே வழுக்கி விழுந்துவிடும் எறும்பாக நான் மாறிவிடக் கூடாது என்பதற்காக’ என்கிறார் நூலாசிரியர்.

பதிப்பாளர்
தினத்தந்தி பதிப்பகம்,
86 ஈ.வி.கே. சம்பத் சாலை,
வேப்பேரி, சென்னை 600007.
தொலைபேசி: 044-25303000
முதல் பதிப்பு: ஜனவரி 2018

• சமுதாயத்தில் கல்வி அறிவு இல்லாமல் இருக்கும்போது கொலைகள் சகஜம். படித்தவர்கள் சதவிகிதம் அதிகமாகும்போது தற்கொலைகள் அதிகம். உலகமெங்கும் சீருடைப் பணியாளர்களின் தற்கொலை விகிதம் அதிகம் என்று தகவல்கள் சொல்கின்றன. தற்கொலையிலிருந்து சமூகத்தைக் காப்பது குறித்து பல்வேறு நூல்களிலிருந்தும், வரலாற்றுச் சம்பவங்களிலிருந்தும் தகவல்களைத் திரட்டி இந்நூல் தொகுக்கப்பட்டிருக்கிறது. இந்நூலில் உலகம் எவ்வாறு தற்கொலையை பல்வேறு காலகட்டங்களில் அணுகி இருக்கிறது என்பதும் குறிப்பிடப்பட்டிருக்கிறது. சில நாடுகளில் தற்கொலை முயற்சிக்குத் தண்டனை இல்லை. தற்கொலையின் சார்பாக பேசிய அறிஞர்களும் இருக்கிறார்கள். தற்கொலையை வீரம் என்று முன்மொழிந்த இலக்கியங்களும் இருக்கின்றன. தற்கொலை செய்துகொண்ட பிறகு அந்நபரைச் சார்ந்த குடும்பம் எப்படியெல்லாம் வேதனைப்படும் என்பதை ஆசிரியர் தெளிவுபடுத்துகிறார். தற்கொலை மனநிலை உள்ளவர்களை மற்றவர்கள் எப்படிக் கண்டுபிடிக்க முடியும் என்தையும் குறிப்பிடுகிறார். ஒரு தற்கொலை பல தற்கொலைகளைத் தூண்டுகிறது என்பது வேதனைப்படத்தக்க தகவல். பிரபலமானவர்கள் தற்கொலை செய்துகொண்டால் அதைப் பின்பற்றி பலரும் தற்கொலை செய்துகொள்கிறார்கள் என்பது இந்நூல் காட்டும் யதார்த்தம். பள்ளிகளிலும், கல்லூரிகளிலும் இந்நூலில் உள்ள கட்டுரைகளைப் படித்துக் காட்டினால் தற்கொலை செய்துகொள்ளும் எண்ணிக்கை வெகுவாகக் குறையும். தினமணி இளைஞர் மணியில் தொடராக வந்த கட்டுரைகளின் தொகுப்பு.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: 2017
இரண்டாவது பதிப்பு: 2019

• அறிவு என்பது மனப்பாடம் செய்து ஒப்பிப்பது மட்டுமல்ல. சமூகத்திலிருக்கும் வறுமையின் தீவிரத்தை உணர்வதும், ஏழைகளின் துயரத்தைக் காண்பதும், இயலாதவர்களின் வலிகளை நமக்கு ஏற்படுவதைப்போல நினைப்பதும் அறிவின் முக்கியமான அம்சங்கள். இன்று அவை எந்த அளவிற்கு மாணவர்களுக்கு இருக்கிறது என்பதே நாட்டின் முன்னேற்றத்தைத் தீர்மானிக்கும் என்று உறுதியாக நான் கருதுகிறேன்.

• - இறையன்பு

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: ஜனவரி 2020

• திருப்பாவைக்கு பல பொழிப்புரைகள் புகழ் பெற்றவர்களால் உருவாக்கப்பட்டிருக்கின்றன. இந்த நூல் அவற்றிலிருந்து வித்தியாசமானது. திருப்பாவையைப் படிக்கும்போது இறையன்பு பெற்ற தாக்கத்தை இது பதிவு செய்கிறது. மேலும் ஆண்டாளின் கருத்துகளை இன்றைய அறிவியல் நுட்பங்களோடு தொடர்புபடுத்தி எழுதப்பட்டுள்ளது. பக்தியைத் தாண்டி திருப்பாவை மேன்மை வாய்ந்த மெய்யுணர்வு கொண்ட இலக்கியம் என்பதை இதை வாசித்த பிறகு உணர முடியும்.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: டிசம்பர் 2008

• பிறவி மகத்தானது. இதை முழுமையாய்ப் பயன்படுத்துவதே உயர்ந்தது. ஓவ்வொரு நொடியையும் வீணடிக்காமல் நீரைப்போல் கச்சிதமாகப் பயன்படுத்த வேண்டும். மண்ணகத்திலே வந்து வாழ்வது விண்ணகத்தை அடைவதற்கே. மண்ணகத்திலே வாழும் மனிதர்கள் எளியவர்களாக மாற மாற அவர்களுடைய பக்திப் பரவசம் அங்குலம் அங்குலமாக அதிகரிக்கிறது. அவர்கள் தொடர்ந்து தங்களை நான் யார் என்று கேட்டு நான் என்பது ஒன்றுமில்லை என்று நான் மறையப் பெறுகிறார்கள். அவர்களை இறைவனே வலிய வந்து திருவிளையாடல் புரிந்தும், சோதனைகளுக்குட்படுத்தியும், அவர்களுடைய பக்தியைப் பரிசோதித்தும் ஆட்கொள்கிறான். நமக்குத் துன்பம் வருகிறபோதெல்லாம் நம்மைக் கடவுள் சோதிக்கிறார் என்று கருதிக்கொள்ள வேண்டும். அந்தப் பரிட்சையில் தேற வேண்டும்.

• சாமானிய வாழ்க்கையைக் குறிப்பதுபோலத் தொடங்கி, இறைமையின் பெருமைகளையெல்லாம் அடுக்கி, சிறிது சிறிதாக ஆன்மிக சாரத்தை வடித்துத் தந்து இதைப் பாடும்போதே இறை உணர்வுக்கு அழைத்துச் செல்வதாக இந்தப் பக்திப் பாசுரங்கள் திகழ்கின்றன.

• திருவெம்பாவையை அறிவியல், மனவியல் பர்வைகளோடு மற்றொரு கோணத்தில் அலசும் முயற்சி.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: டிசம்பர் 2017

• இந்தப் புத்தகத்தை ஓர் ஆன்மிகப் பயணமாகவும், ஒரு தத்துவ தரிசனமாகவும்தான் நான் பார்க்கிறேன். ஆன்மிகப் பரிணாமத்தின் பல படிகளின் ஊடாக நம்மைப் பரிவுடன் கைப்பற்றி நடைபழக்குகிறார் ஆசிரியர். சுய தரிசன, சுய விமர்சன, சுய முன்னேற்றக் களன்களை நாம் இயல்பாகத் தொட்டும் கடந்தும் செல்ல இந்த நூல் திசை காட்டுகிறது. நம்மை அடிக்கடி எதிர்நோக்கும், நம் ஆழ்மனத்தில் ஒளிந்துகொண்டு கண் சிமிட்டும், நமது பிரக்ஞைக்கே பிடிபடாமல் புகைமூட்டமாக நம்முன் சலனமாடும் எண்ணற்ற கேள்விகளை இனங்கண்டு, அவற்றுக்கு ஓர் உருவம் கொடுத்து விடைதேடலுக்கு வழி வகுக்கிறது. குறிப்பாகக் கட்டமைக்கப்பட்ட குறிக்கோள்கள் எதுவுமின்றி நம்மை மேம்படுத்தும் முயற்சியில் இந்நூல் வெற்றி காண்கிறது.

• டாக்டர் கே.எஸ். சுப்பிரமணியன்

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜூன் 2019
2-ஆவது் பதிப்பு: செப்டம்பர் 2019

• எதை எப்படி அணுகுகிறோம் என்பதில் சூட்சுமம் இருக்கிறது. திறந்த மனத்துடன் எதை அணுகினாலும் அது எளிதாகி விடுகிறது. நமக்கு இருக்கும் மிகப் பெரிய தடையே இதுவரை நாம் சேர்த்து வைத்திருக்கும் கடன் வாங்கிய அறிவு. அதை உண்மையென நம்பி அனைத்தையும் உரசிப் பார்க்க முற்படுகிறோம். அந்த நினைவுகள் எல்லாவற்றையும் கேள்விகளாகப் பார்க்கத் தூண்டுகிறது. எல்லோரையும் சந்தேகப்பட வைக்கிறது. நாம் அறிவாளிகள் என்கிற முன்தயாரிப்போடு மற்றவர்களை அணுகுகிறோம். நம்முடைய அறிவு இவ்வுலகத்தின் எல்லையற்ற அறிவுக் கடலின் முன்பு சிறு துளி என்பதை நாம் உணர்வதில்லை.

• - இறையன்பு

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: ஜனவரி 2020

• ‘சில கேள்விகள் நம் எல்லோருக்குள்ளும் ஒலித்துக்கொண்டிருக்கின்றன. அவற்றுக்கான சாத்தியமான பதிலைத் தேடும் முயற்சியில் ஈடுபடப் போகிறேன்’ என்று இறையன்பு அவர்கள் புதிய முயற்சியை மேற்கொண்டார். அதற்கு ‘ராணி’ பத்திரிக்கை களம் அமைத்துக் கொடுத்தது. அதில் ‘கேள்வியும் நானே, பதிலும் நானே’ என்ற பகுதியைத் தொடங்கி, கேள்விகளுக்கு தொடர்ந்து பதிலளித்தார். கேள்விகளால் அவர் ஒரு அறிவு வேள்வியை நடத்தினார்.

• வாசகர்களின் வரவேற்பையும், பலமான பாராட்டுகளையும் பெற்றதன் மூலம் இந்த முயற்சியில் இறையன்பு அவர்கள் மாபெரும் வெற்றியைப் பெற்றிருக்கிறார் என்றே சொல்ல வேண்டும்.

பதிப்பாளர்
தினத்தந்தி பதிப்பகம்,
86 ஈ.வி.கே. சம்பத் சாலை,
வேப்பேரி, சென்னை 600007.
தொலைபேசி: 044-25303000
முதல் பதிப்பு: செப்டம்பர் 2017

• ‘கேள்விகள் மூலம் ஞானம் பெறலாம்’ என்பதற்கு ஏற்ப கேள்விகளை தானே உருவாக்கி, அதற்கு தக்க பதில்களையும் இறையன்பு அளித்துள்ளார். ‘ராணி’ வார இதழில் தனது கேள்வி வேள்விகளை 100 வாரங்கள் நடத்தினார். அதில் ஒரு பகுதி ‘கேள்வியும் நானே, பதிலும் நானே’ என்ற தலைப்பில் புத்தகமாக வெளிவந்தது. அதன் தொடர்ச்சிப் பகுதி ‘நமக்குள் சில கேள்விகள்’ என்ற தலைப்பில் இந்தப் புத்தகத்தில் தொகுக்கப்பட்டுள்ளது.

• தன்னம்பிக்கை, சுய முன்னேற்றம், வாழ்வியல் சிந்தனைகள், நேர மேலாண்மை, மருத்துவம், ஆன்மிகம், அறிவியல் என்று பல்வேறு துறைகள் சார்ந்த கேள்விகளை உருவாக்கி, அவற்றுக்கு சிந்தனையைத் தூண்டும் பதில்களை அளித்துள்ளார்.

பதிப்பாளர்
தினத்தந்தி பதிப்பகம்,
86 ஈ.வி.கே. சம்பத் சாலை,
வேப்பேரி, சென்னை 600007.
தொலைபேசி: 044-25303000
முதல் பதிப்பு: ஆகஸ்டு 2019

• மேலான இலக்கியம் அன்றாட வாழ்வின் நிகழ்வுகளிலிருந்தே துவங்கும் என்பதற்கு நிகழ்காலச் சான்று ‘இனிய இறையன்பு’ என்ற இப்புத்தகம். கேள்வி-பதில் என்ற இலக்கிய வகையின் ஒரு வழியில் ஒப்பற்ற உண்மைகள் சிறப்பாக வெளிப்படுவதே இப்புத்தகத்தின் உயர் சிறப்பு. திரு இறையன்பு அறிவார்ந்த தளத்திற்குள் வந்து நேர்மையுடன் சொல்லப்படும் பதில் உரைகளால் தன் தேடலைத் தன் திறனின் உச்சம் வரைக்கும் கொண்டு செல்கிறார்.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: செப்டம்பர் 2020

• ‘நமக்காக நாம் சிருஷ்டிக்கும் உலகம் முக்கியம். நீங்கள் கண்ணால் பார்க்கும் உலகத்தைவிட அழகான ஒன்றை உங்களால் செதுக்கிக்கொள்ள முடியும். அந்த உலகத்தில் உங்கள் நோக்கங்கள் பூக்களாகட்டும். உங்கள் இலக்கு வேர்களாகட்டும். உங்கள் முயற்சி பாதையாகட்டும். நாம் சமைக்கும் உலகத்தில் நம்மைப் பசிகசிக்கும் யாரையும் அனுமதிக்கப்போவதில்லை. அந்த அழகிய உலகிற்கு உங்களையும் அழைத்துச்செல்லப் போகிறேன். அங்கு நாமெல்லாம் நிறைய பேசப் போகிறோம். அந்த உரையாடலில் நம்மையும் அறியாமல் நமக்குள் ஒளிந்திருக்கும் அச்ச இருள் தானாக விலகும். வாழ்க்கை நம்பிக்கைக்குரியதாக மாறும்.தினம் தினம் நாம் என்ன செய்வது என்பதை வரையறுத்து அதை நோக்கி விழிப்புணர்வுடன் பயணம் செய்யப் போகிறோம். நாம் வைக்கும் அடி அன்றைய இலக்கோடும், வாழ்க்கையின் நோக்கத்தோடும் இயைந்துவிட்டால் அதுவே வாழ்க்கைக்கான சூத்திரமாகிவிடும். யாருடைய வாகை மந்திரமும் நமக்கு ஏற்றதாக இருக்கப்போவதில்லை. கைரேகையைப்போல ஒவ்வொருவருக்கும் ஒவ்வொரு விதமான அணுகுமுறை அவசியமாகிறது. இனி நீங்கள் என்னோடு பயணப்படப் போகிறீர்கள்!’ என்கிறார் நூலாசிரியர் இறையன்பு அவர்கள்.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: டிசம்பர் 2017

• இறையன்பு அவர்கள் தனது அனுபவங்களையெல்லாம் பிணைத்து மாணவர்களுக்கு என்றும், ஆசிரியர்களுக்கு என்றும், பெற்றோர்களுக்கு என்றும், இளைஞர்களுக்கு என்றும் பல்வேறு பிரிவினருக்குப் பல்வேறுவிதமான அறிவுரைகளை, அறிவுரைகளாக இல்லாமல் தனது அனுபவங்களாக மடல்கள் என்ற மகத்தான சாதனத்தின் மூலம் அளித்துள்ளார். அனைவரும் அவசியம் படிக்க வேண்டிய நூல்.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• நேரம் இன்று அரிய பொருளாகிவிட்டது. எது நம் நேரத்தை எடுத்துக்கொள்கிறது என்பதில்தான் கடும்போட்டி. திரும்பிப் பார்க்க முடியாதவாறு நேர நெரிசலில் நம் வாழ்க்கை சிக்கி, ஒரு கட்டத்தில் அதன் வேகத்திற்கு நம்மை ஒப்படைத்து விட்டோம். பழைய நண்பர்கள் கூடும்போது அந்த நாட்களை ஏக்கத்தோடு அசைபோடுவது உண்டு. நம் மனம், இழந்தவற்றை நினைக்கும் அளவு அடைந்தவற்றை எண்ணி ஆனந்தப்படுவது இல்லை. பொருளாதாரரீதியாக உலகம் உயர்ந்துகொண்டே செல்கிறது. உறவுரீதியாக தனிமையும், ஏக்கமும் பலருடைய வாழ்க்கையில் அதிகரித்துக்கொண்டிருப்பதைப் போன்ற ஓர் அவஸ்தை. சில நிகழ்வுகளை, நம் அனுபவங்களைச் சொன்னால் இன்றிருக்கும் இளைஞர்களுக்கு நம்பக்கூடத் தோன்றாது. இவ்வளவு பெரிய மாற்றங்களை இந்த 50 ஆண்டுகள் சந்தித்த அளவிற்கு வேறெந்த காலகட்டமாவது கண்டிருக்குமா என்பது சந்தேகம்தான்.

• ஒரு காலத்தில் வசித்த வீட்டை வளர்ந்த பிறகு சென்று பார்த்து விளையாடிய இடங்களையெல்லாம் ஸ்பரிசிக்கும் மனிதனைப்போல, ஆசிரியர் தன் வாழ்க்கையைக்கொண்டு தன் சமகாலத்து மனிதர்களின் பழைய நினைவுகளைத் தேட முற்பட்டபோது தோன்றியதுதான் ‘காற்றில் கரையாத நினைவுகள்.’

பதிப்பாளர்
தமிழ் திசை பப்ளிகேஷன்ஸ்,
கஸ்தூரி பில்டிங்,
859 & 960 அண்ணா சாலை,
சென்னை 600002.
முதல் பதிப்பு: டிசம்பர் 2019

• நாம் சந்திக்கிற ஒவ்வொரு மனிதரிடமும் நுட்பமான கதைகள் இருப்பது அவர்களிடம் மனம்விட்டுப் பேசினால் தெரியும். அவர்கள் பண்பிலிருந்தும், வாழ்க்கையிலிருந்தும் நாம் கற்றுக்கொள்ள வேண்டிய ஏதோ ஒன்று அவசியம் மறைந்திருக்கிறது.

• ஆரோக்கியமான பார்வையோடு உலகத்தைப் பார்த்தால் அத்தனை மனிதர்களுமே சுவாரசியத்திற்குப் பஞ்சமில்லாதவர்கள் என்கிற உண்மை புரியும். வெகுநாட்களாக அப்படிப்பட்ட சந்திப்புகளைக் குறித்து எழுத வேண்டும் என்ற ஆர்வம் எனக்கு ஏற்பட்டது.

• இந்த நூலில் சின்னச் சின்ன செய்திகளாக சந்திப்புகள் இடம்பெற்றிருப்பதால் வாசகர்களுக்கு வாசிப்பு அனுபவம் சுகமாக இருக்கும் என்று கருதுகிறேன். நீங்கள் வாசிப்பது ஒரு நூலை அல்ல, எண்ணற்ற மனிதர்களின் வாழ்க்கைச் சுருக்கத்தை என்பதை மட்டும் உங்களுக்குக் கூற விரும்புகிறேன்.

• - வெ. இறையன்பு

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: மார்ச் 2018
இரண்டாவது பதிப்பு: 2019

• ‘காற்றில் கரையாத நினைவுகள்’ என்கின்ற என்னுடைய திரும்பிப் பார்க்கும் நினைவுகள் கொண்ட நூலின் தொடர்ச்சியாக ‘மண்ணும் மக்களும்’ அமையும் என்று கருதுகிறேன். அது பொருட்களைப் பற்றியது. இது மனிதர்களைப் பற்றியது. என்னோடு பழகியவர்கள் ஒரு வகையில் என் காலகட்டத்தைச் சார்ந்த எல்லோரிடமும் பழகியவர்களாகத்தான் இருப்பார்கள். ‘மண்ணும் மக்களும்’ என்கிற இந்தத் தொகுப்பை எளிய மனிதர்களின் நினைவுகளைக் கொண்டு செங்கல்களாக அடுக்கி கட்டடமாக உருவாக்கியிருக்கிறேன். காலம் கடந்து அசைபோடுகிறபோது அன்பு பிரம்மாண்டமாகத் தெரியும் என்பதை இந்தத் தொகுப்பை எழுத முற்படும்போது நான் உணர்ந்தேன். நான் மீண்டும் ஐம்பது ஆண்டுகள் இந்தத் தொடருக்காக வாழ்ந்தேன் என்பதுதான் உண்மை.

• - ஆசிரியர்

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• மேற்கத்திய உலகம் மேலாண்மையை அண்மையில் மொழிபெயர்த்தது. இலக்கியங்களோ மேலாண்மைக் கருத்துகளை தொன்றுதொட்டுக் கூறி வந்திருக்கின்றன. திருக்குறளில், அர்த்தசாஸ்திரத்தில், சுக்கிரநீதியில், ஷேக்ஸ்பியரின் காவியங்களில், சீன தத்துவ ஞானத்தில், அரேபிய உருவகக் கதைகளில் மேலாண்மைக் கருத்துகள் இடம்பெற்றிருக்கின்றன. அவற்றை வகைப்படுத்தாமல் அன்றைய அறிஞர்கள் பயன்படுத்தியிருக்கிறார்கள். இலக்கியத்தை வாசிப்பதன் மூலம் மேலாண்மையைக் கற்றுக்கொள்ள முடியும் என்பதை உலக இலக்கியங்கள் பலவற்றில் இருந்து எடுத்து அவற்றை நவீன மேலாண் கருத்துகளோடு ஒப்பிட்டு ஆசிரியர் பிரம்மாண்டமான இந்த நூலை எழுதியிருக்கிறார். தமிழில் வந்துள்ள முதல் முயற்சி என்கிற வகையில் இது முக்கியத்துவம் வாய்ந்தது. வாசகர்கள் இவை தொடர்பாக மேலும் வாசிக்க வேண்டும் என்று விரும்பினால் அதற்கான நீளமான நூல்களின் பட்டியலையும் இறுதியில் இணைத்துள்ளார். வண்ணத்தில் நிறைய படங்களோடும், வாசிப்புக்குத் தகுந்த வடிவமைப்போடும் வெளிவந்திருக்கும் இந்த நூல் பிரம்மாண்டமான படைப்பு என்று புரட்டிப் பார்த்ததும் சொல்ல வைக்கும் தகுதி படைத்தது.

• தினத்தந்தி நாளிதழ் இந்நூலை ‘ஆதித்தனார் இலக்கியப் பரிசு’ என்று தேர்ந்தெடுத்து இரண்டு லட்சம் ரூபாய் பரிசளித்தது.

• தினமணி ஆசிரியர் திரு வைத்தியநாதன் இதை ‘இறையன்புவின் ஆகச்சிறந்த படைப்பு’ (Masterpiece) என்று கலாரசிகன் பகுதியில் குறிப்பிட்டிருக்கிறார். பல்வேறு இதழ்களும் இப்படைப்பை பாராட்டி இருக்கின்றன.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜனவரி 2016
மாற்றியமைக்கப்பட்ட 3-ஆவது பதிப்பு - ஆகஸ்டு 2017

• இந்நூலின் சிறப்புகளுள் ஒன்று இதன் நடையழகு. ஆற்றுமண்ணில் விக்கிரகங்கள் வனைய முடியாது; களிமண்ணில்தான் இயலும். மேலாண்மைக் கருத்துகள் ஆற்றுமணல் போன்றவை. அதில் இலக்கியச்சுவை என்னும் பசைகூட்டி எப்படியோ எழில் விக்கிரகத்தை உருவாக்கியுள்ளார் இந்நூலாசிரியர். "நிர்வாகிகள் பிடித்த பிள்ளையாரைப்போல் ஒரே இடத்தில் இல்லாமல் உற்சவரைப்போல ஊர்சுற்றி வருவதுதான் இத்தகைய நிர்வாகம்" என்று ‘சுற்றி அலையும் மேலாண்மை'யை விளக்குவதால் அது அயல்நாட்டிலிருந்து இறக்குமதி செய்யப்பட்டதாகத் தோன்றாமல் இந்த மண்ணில் தானே முளைத்த தத்துவமாக நிறம் மாறி அழகோடு மிளிர்கிறது. பாரதியார், கண்ணதாசன் போன்ற கவிஞர்கள் எழுதியுள்ள உரைநடையிலும் கவிதையின் சாயல் படிந்திருப்பதைக் காணலாம். முனைவர் இறையன்பு அவர்கள் கவிஞராக இருப்பதால் அவர் உரைநடையிலும் அதன் மணம் வீசுகிறது.

• இந்த நூலினைப் படித்து முடிக்கும்போது இதுவரை படித்தறியாத பல ஆங்கில நூல்களைப் படித்த உணர்வும், இலங்கியங்களைப் பார்க்கக்கூடிய புதியபார்வைகள் இன்னும் சில உள்ளன என்ற எண்ணமும் தோன்றுகின்றன.

• - தெ. ஞானசுந்தரம்

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• விருந்தோம்புகிற குணமே ஒருவருடைய உண்மையான பண்பாடு. சிலர் நயமாகப் பேசுவார்கள். தேன் ஒழுக ஒழுகச் சொற்களை வழிய விடுவார்கள். ஆனால் பசியோடு இருப்பவர்களுக்கு ஒரு குவளை தண்ணீரைக்கூடத் தர மாட்டார்கள். சிலருடைய அறைக்குச் சென்றால் எப்போது எழுந்து வரலாம் என்கிற எண்ணம் ஏற்படும். அந்த அறையின் அதிர்வலைகளே நம்மை மிரட்டி விடும். சிலருடைய அறைகளுக்குச் சென்றால் எழுந்து வர மனமே இருக்காது. சிலரைச் சந்திக்கிறபோது முதல் முறை பார்க்கும்போதே பல நாட்கள் பழகியதைப்போல நடந்துகொள்வார்கள். விரும்பிய தேநீரையோ, பழ ரசத்தையோ நம் விருப்பத்திற்கேற்பத் தருவித்துத் தருவார்கள். நாம் அவர்களோடு இருக்கும்போது எந்தக் குறுக்கீட்டையும் அனுமதிக்க மாட்டார்கள். அப்படிப்பட்டவர்களுடன் கழித்த சில நிமிடங்கள் நம் மனத்தில் கல்வெட்டுகள்போலப் பதிந்துவிடும்.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• This book, Steps to Super Students, covers the prime of youth, from commencing studies in childhood to the advanced stages of appearing for examinations – general, institutional and competitive. In twenty five chapters, the author deals with a number of subjects such as children’s education – making it pleasant without causing unnecessary distaste or pain, the role of parents in educating the children, the teachers’ involvement and dedication, planning studies at various stages in higher classes, methods of learning, memorizing and remembering and preparing for and facing the examinations and securing high marks and scoring ranks.

PUBLISHERS
New Century Books House (P) Ltd
41-B SIDCO Industrial Estate
Ambathur, Chennai 600098
Phone: 044-26251968/26258410
1st Edition: January 2007
8th Edition: July 2017
9th Edition: Nov 2019

• ‘Ancient Yet Modern’ – an epithet that epitomizes the range and depth of the timeless Tamil classic Thirukkural, some 2000 years old. Its universalism and profound psychological and philosophical insights make it vibrantly relevant to this day. This book situates the management concepts in Thirukkural in the context of today’s conceptual modules. Striking similarities emerge. This work is marked by depth of scholarship, rigorous analysis and sensitive insights.

• With innate sensitivity, creative impulse and a spiritual orientation, Irai Anbu has converted his life into a voyage of discovery. This voyage touches many shores – literary expression, perceptive seeking and purposeful sharing. This book is one such manifestation.

PUBLISHERS
Viva Books Private Limited
4737/23 Ansari Road
Daryaganj, New Delhi 110002
Phone: 011-42242200/044-23780991
1st Edition: December 2011 (Allied Publishers)
2nd Edition: 2018 (Viva Books Private Limited)

• Comparing Titans is a significant academic comparing of two iconic figures in world literature – Thiruvalluvar and Shakespeare.

• Separated by a span of some 1500 years, they operate in different genres and in very difficult cultural milieus. But universal humanism and innate sensitivity bring them together and make them vibrantly contemporary. Irai Anbu has drawn many strands of comparison and woven them into a beautiful tapestry. This book is marked by depth of scholarships and perspective insights.

PUBLISHERS
Viva Books Private Limited
4737/23 Ansari Road
Daryaganj, New Delhi 110002
Phone: 011-42242200/044-23780991
1st Edition: 2015

• Kamba Ramayanam is an immortal epic by the iconic Tamil poet Kambar. This Tamil version of the Ramayana story, woven into the very fabric of Indian culture, is marked by incomparable poetic allure and lyrical finesse. Embedded in the poetic charm are reflections of major management concepts. The significant presence of non-verbal communication in this epic has been beautifully presented in this seminal work, with a sensitive capture of characters and situations. This is a notable interdisciplinary link, between a literary classic and the principles of management science.

PUBLISHERS
Viva Books Private Limited
4737/23 Ansari Road
Daryaganj, New Delhi 110002
Phone: 011-42242200/044-23780991
1st Edition: 2015

• Irai Anbu in ‘Random Thoughts’ attempts to help the reader visualize abstract qualities through appropriate use of metaphor and imagery. All the essays are laced with subtle humour that has a functional use. They need not be read as a philosophic treatise but as a common man’s observations of human nature. It is like standing in front of a mirror and laughing at one’s own deficiencies.

• Each work carries a distinct stamp: alliteration. A person famous for the musical use of Tamil in speech and writing has attempted it in English too, with great success. When the mundane disappears, the sublime surfaces. We smell the extraterrestrial aroma and hear the extraordinary concert. We stumble upon super consciousness and communicate sans world, sings and gestures.

• He has consciously chosen the simple sentence for structuring his work. This structural device has helped him to load each sentence with meaning and also make the reader pause and contemplate on what he has read. “There is nothing called non-violent revenge. The very thought to attack is violent. Pregnant anger is worse than delivered action”. No doubt this book attracts readers of all ages.

PUBLISHERS
The Hindu Publications
Chennai

• பிரச்சினைகளின்போதும், சிக்கலாக உணரும் தருணங்களிலும் எப்படிப்பட்ட முடிவைத் தேர்ந்தெடுப்பது, எப்படியான அணுகுமுறையைக் கையாளுவது, சூழலுக்கேற்ப எப்படி நடந்துகொள்வது போன்ற குழப்பங்களிலிருந்து விடுபடுவதற்கு பல்வேறு விளக்கங்கள் இந்நூலில் தெளிவுபடுத்தப்பட்டுள்ளன. முடிவெடுக்க இயலாத நிலையில் ஏற்படும் குழப்பங்களிலிருந்தும், மன உளைச்சல்களிலிருந்தும் மனித சமூகத்தை விடுவிக்கும் முயற்சியாக இந்நூல் அமையப்பெற்றுள்ளது.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜனவரி 2017

• தங்கள் அலுவல்களுக்குத் தோதாக நேரத்தை முறையாக வரையறுத்துக்கொண்டு அதற்குத் தக்கவாறு செயல்படுவதனால் காலத்தை நம் வசதிக்கேற்ப கையாள முடியும் எனக் கட்டியங்கூறுகிறது இந்நூல். கால முறைப்படி வாழ்வதற்கான வழிமுறைகளைச் சொல்லும் நேர மேலாண்மைக் கையேடு. மாணவர்கள், அலுவலகப் பணியிலிருப்பவர்கள், இல்லத்தரசிகள் என ஒவ்வொருவரும் காலத்தின் அருமையுணர்ந்து அதனை விரயமாக்காமல் செயல்பட்டால் வாழ்க்கை இனிமையானதாக அமையும் என்பதை வலியுறுத்துகிறது இந்நூல்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜூலை 2017
இரண்டாவது பதிப்பு: டிசம்பர் 2017

• காகிதம் தோன்றிய காலத்திலிருந்து காகிதப் பயன்பாடுகளின் வளர்ச்சியையும் வரலாற்றையும் விரிவாக எடுத்துரைக்கும் நூல். காகிதம் தோன்றிய வரலாற்றிலிருந்து காகித உபயோகத்தின் பரிமாணங்களை விவரிப்பதோடு, காகிதப் பயன்பாடுகளையும் அதன் தேவைகளையும் அடுக்கிச் செல்கிறது. காகிதப் பயன்பாட்டில் கடைப்பிடிக்க வேண்டிய சிக்கனத்தைக் குறிப்பிடுவதோடு, காகிதங்களுக்காக வெட்டப்படும் மரங்களைக் கருத்தில்கொண்டு சுற்றுச்சூழல் அக்கறையையும் வெளிப்படுத்துகிறது இந்நூல்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜூலை 2017

• காடுகளை அழிக்கத் துணிந்த மனிதன் இயற்கைக்கு எதிரான அம்மாபெரும் கேட்டினால் தன்னையும் சீரழித்துக்கொண்டிருக்கிறான் என்பதை கவலையோடும், கவனத்தோடும் அறிவிக்கும் நூல். காடுகளின் வளங்களைப் புரிந்துகொண்டு அவற்றின் அவசியத்தையும், காடுகளைப் பாதுகாக்க வேண்டிய தேவையையும் வலியுறுத்துகிறது இச்சிறு நூல். அழிந்து வரும் வனங்களையும், வன விலங்குகளையும் பாதுகாத்து இயற்கை வழி நிற்பதற்கான ஆலோசனைகளையும் முன்வைக்கிறது.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜூலை 2017

• வரலாற்றை எப்படிப் புரிந்துகொள்ள வேண்டும் என்பதற்கான பலவித வழிமுறைகளை முன்வைக்கிறது இந்நூல். வரலாறு என்பது என்ன, எதுவெல்லாம் வரலாறாக பார்க்கப்படுகிறது, எவற்றையெல்லாம் வரலாறு வசதியாக மறந்து விடுகிறது என்பனவற்றை விரிந்து ஆராய்கிறது இந்நூல். போரின்போதும், மற்ற குற்றங்களுக்கான கொடூர தண்டனைகள் போன்ற அறப்பிழ்வுகளிலிருந்தும் எது அறம் என்பதை மனித சமூகம் உணர்ந்துகொள்ள வேண்டும் என்பதை இந்நூல் தெளிவுபடுத்துகிறது.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜூலை 2017
2-ஆவது பதிப்பு: டிசம்பர் 2017

• ஒவ்வொருவரும் தங்கள் வாழ்க்கையில் தங்கள் முன்னேற்றத்தைத் திட்டமிட்டுச் சாதிப்பதற்கு அடிப்படையான குணாம்சமான ஆர்வமாயிருத்தல் என்பதை இந்நூல் விவாதிக்கிறது. எந்தத் துறையில் ஆர்வமிருக்கிறதோ அந்தத் துறையில் ஈடுபாட்டோடு கற்பது, அத்துறைக்கேயுரிய குறிப்பிட்ட நுணுக்கமான அம்சங்களை அறிந்துகொள்வது, அத்துறைச் சாதனையாளர்களின் வாழ்க்கையிலிருந்து கற்றுக்கொள்ள வேண்டிய பாடங்கள் என வாழ்க்கை வளர்ச்சியில் ஆர்வமாக இருப்பதற்கு எப்படி தன்னைத் தயார்படுத்திக்கொள்வது என்பதற்கான வழிகாட்டி இந்நூல்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: டிசம்பர் 2017

• மனிதர்களின் வாழ்க்கை வளர்ச்சிக்கு அவர்களது ஆணவமான குணாம்சம் எத்துனை முட்டுக்கட்டையாக இருக்கிறது என்பதை ஆழமாக ஆராய்ந்து விளக்குகிறது இந்நூல். ஆணவம் உள்ளவர்கள் இந்த சமூகத்தில் எப்படி கவனிக்கப்படுவார்கள், அவர்களுக்கான சமூக மரியாதை எவ்வளவு மோசமாக இருக்கும் என்பதையெல்லாம் விவரிக்கும் இந்நூல் அதிகப்படியான ஆணவ குணம் கொண்டவர்கள் வாழ்க்கையில் அடையும் பாதிப்புகளையும், ஆணவ குணம் இல்லாதவர்கள் தங்கள் வாழ்வில் அடையும் முன்னேற்றங்களையும் எடுத்துரைக்கிறது.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: டிசம்பர் 2017

• உணவருந்துவது, உறங்குவது போன்று தற்காலத்தில் மனிதர்களின் அன்றாடக் கடமைகளில் ஒன்றாக மாறிவிட்ட மருந்தை உட்கொள்வது பற்றிய அரியதொரு ஆய்வைப் பதிவு செய்கிறது இந்நூல். சின்னச்சின்ன உபாதைகளுக்கெல்லாம் மருத்துவரை நாடி மருந்துகளை உட்கொள்வதால் மேலும் உடல்நிலை பாதிக்கப்படும் என்பதை விளக்கிச் சொல்லும் இந்நூல், மிக அவசியமான நேரங்களைத் தவிர மற்ற நேரங்களில் மருந்துகளைத் தவிர்த்து இயற்கையான முறையில் உடல்நலத்தைப் பேணுவது குறித்து விரிவாகப் பேசுகிறது.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: டிசம்பர் 2017

• மழையின் முழுமையான இயல்பையும், உள்ளார்ந்த தன்மையையும், அதன் பயன்பாட்டையும் விரிவாக விளக்கிச் சொல்லும் சிறுநூல். மனிதர்களுக்கும், மழைக்குமான பிணைப்பையும், மனிதர்களின் மழைக்கால மன நிலையையும், வாழ்க்கைச் சூழலையும் ஆழ்ந்து பேசும் இந்நூல் மழையை ரசிக்கவும், ருசிக்கவும் கற்றுத் தருவதோடு மழையையும், மழைநாட்களையும் புரிந்துகொள்ளவும் வகை செய்கிறது. இந்நூலை வாசிக்கும்போது விண்ணுக்கும், மண்ணுக்குமான தொடுதலைத் தரும் மழையின் மகத்துவங்களையும், மழை தருவிக்கும் குளிர்ச்சியையும், மகிழ்ச்சியையும் இதமாக உணரலாம்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: டிசம்பர் 2017

• மனிதர்கள் மகிழ்ச்சியை வெளிப்படுத்துவதற்கும், பகிர்ந்துகொள்வதற்கும் வாய்ப்பாக அமைவது திருவிழாக்கள். உலகெங்கிலும் பலதரப்பட்ட வடிவங்களில் திருவிழாக்கள் கொண்டாடப்படுகின்றன என்பதையும், அவ்விழாக்களின் பலவிதமான சிறப்புகளையும் விவரிக்கிறது இந்நூல். மரபார்ந்த கலாச்சார விழாக்கள் மற்றும் நினைவுகளைப் போற்றும் விழாக்களைக் கொண்டாடும் விதம், அவற்றின் நோக்கம் மற்றும் அடிப்படைக் காரணங்கள் போன்ற விவரங்களைச் சொல்லும் இந்நூலில் திருவிழாக்களைக் கொண்டாடும்போதான மகிழ்ச்சியான தருணங்களை உணரலாம்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: டிசம்பர் 2017

• இறையன்பு அவர்கள் திருச்சி பாரதிதாசன் பல்கலைகக்கழக பட்டமளிப்பு விழாவில் கலந்துகொண்டு ஆற்றிய உரையின் எழுத்து வடிவமே இந்நூல். படித்துப் பட்டம் பெறும் ஒவ்வொருவரும் தங்கள் வாழ்க்கையில் கைக்கொள்ள வேண்டிய பண்புநலன்களையும், தங்கள் வாழ்க்கை முன்னேற்றத்திற்கு வடிவமைத்துக்கொள்ள வேண்டிய லட்சியங்களையும், வெற்றியை எட்டுவதற்கான திட்டமிடல்களையும் அறிவுறுத்தும் இந்நூல் தாய்மொழிப்பற்றையும், தேசப்பற்றையும் விளக்கமாகவும், விரிவாகவும் முன்வைக்கிறது.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: டிசம்பர் 2017

• பயணங்களிலேயே சிறப்பான அனுபவங்களைத் தருவது ரயில் பிரயாணம் என்பதை ரசனையோடும், யதார்த்தமாகவும் விளக்கிச் சொல்லும் புத்தகம். நீண்ட தூர ரயில் பயணங்களில் ஏற்படும் சுகானுபவத்தை பயணித்து மட்டுமே உணர முடியும் என்பதை இந்நூலின் வாயிலாக உணர்ந்து கொள்ளலாம். ரயிலுக்கு மட்டுமே உரித்தான சிறப்பு அம்சங்களையும், தனித்துவமான சூழல் அமைப்பையும் விவரிக்கும் இந்நூலை வாசிக்கையில் ரயிலில் பிரயாணம் செய்வதைப்போன்ற மனநிலையை அனுபவிக்கலாம்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: டிசம்பர் 2017

• வாதம் மற்றும் விவாதம் இவற்றுக்கான மெலிதான வேறுபாட்டை அறிந்துகொள்ள துணை நிற்கிறது இந்நூல். தான் அறிந்த விஷயங்களில் மற்றொருவரோடு தர்க்கம் செய்யும்போது கடைப்பிடிக்க வேண்டிய நெறிமுறைகளையும், விவாதம் செய்வதற்கு முன்னர் தயார்ப்படுத்திக்கொள்ளும் மனநிலையையும் உருவாக்கிக்கொள்ள வேண்டும் என்பதை முக்கியத்துவப்படுத்தும் இந்நூல் ஆரோக்கியமான விவாதம் அவசியம் என்பதையும், அதிலிருந்துதான் உண்மையான கருத்துகள் தோன்றக்கூடும் என்பதையும் மிக சிறப்பாக எடுத்துரைக்கிறது.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: டிசம்பர் 2017

• முதிர்ச்சியான மனநிலையின் அடையாளமாகத் திகழும் பொறுமை எனும் மனப்பாங்கை விரிவாக ஆராய்ந்து நோக்குகிறது இந்நூல். உணர்ச்சிவசப்படாமல் நிதானமாக முடிவெடுக்கும் ஆற்றலை பொறுமையால் மட்டுமே பெற இயலும். அவசர மனநிலையில் எடுக்கும் முடிவுகள் தவறானதாகவும், பாதிப்பை உண்டாக்குவதாகவும் அமைந்துவிடும் என்பதால் பொறுமையைக் கையாண்டு நடுநிலையோடு முடிவுகளைக் கைக்கொள்வது நன்மை பயக்கும் என்பதை வலியுறுத்தும் இந்நூல் பொறுமை எனும் குணாம்சத்தின் நல்லியல்புகளையும், அவசியத்தையும் முன்நிறுத்துகிறது.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: டிசம்பர் 2017

• ஆன்மிகம் என்பதற்கு ஆளாளுக்கு ஆயிரமாயிரம் விளக்கங்கள் சொல்லப்பட்டு வரும் நிலையில் எது உண்மையான ஆன்மிகம் என்பதைப் பற்றி மக்களுக்குத் தெளிவான புரிதலை உண்டாக்கும் நோக்கில் எழுதப்பட்டுள்ளது இந்நூல். தினந்தினம் ஆலய வழிபாடு, கோயில்களுக்கு நேர்த்திக்கடன்கள், மாதாந்திர விரதங்கள், ஆன்மிகத் தரிசனங்கள் போன்றவற்றைவிடவும் எது உண்மையான ஆன்மிகத்தில் வரும் என்பதற்கான விளக்கங்களை, விமர்சனபூர்வமாகவும், உதாரணங்களோடும், விளக்கங்களோடும் விவரிக்கிறது இந்நூல்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: டிசம்பர் 2017

• மனிதனைச் செதுக்கும் மகத்தான பருவமே கல்லூரி வாழ்க்கை. அவனுடைய அறிவுச் சிறகுகளை அகல விரித்து உலகத் திசைகளை அளக்க வைக்கும் அற்புதக் காலமது. தன்னிடம் இருக்கும் அத்தனை விதமான குறைபாடுகளையும் உதிர்த்து, முதிர்ச்சியையும், கனிவையும், முதிர்ப்பையும், தீவிர உழைப்பையும் கிரகித்து முன்னேறும் வலிமையை கல்லூரி வளாகத்தில்தான் கற்றுக்கொள்ள முடியும் என்பதைப் பேசும் நூல்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜூன் 2018

• நினைவுகளே மனத்தை உருவாக்குகின்றன. பழைய நினைவுகளும், பதுக்கி வைக்கப்பட்ட நினைவுகளும், அகற்றி வைக்கப்பட்ட நினைவுகளும் மனத்தைத் தீர்மானிக்கின்றன. ஒருவனுடைய ஒவ்வொரு செயலும் அவனிடம் நினைவுகளை உருவாக்கிக்கொண்டே செல்கின்றது. நினைவால் செய்யப்படும் செயல்களைவிட, செயலால் உண்டாகும் நினைவுகள் ஆழமாகவும், நீங்காதவையாகவும் இருக்கின்றன. நினைவுகள் வலிமையானவை என்பதை உணர்த்தும் நூல்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜூன் 2018

• பிரிவு என்பது அர்த்தமுள்ளது மட்டுமல்ல, ஆழமானதும்கூட. பிரிவு என்பதே வாழ்வின் தொடக்கம். ஒவ்வொரு பிரிவும் இன்னோர் இணைப்பு. பிணைப்பும், பிரிவும் இருக்கும்போதே வாழ்க்கை என்பது வளமாய் மாறும். வாழ்வு உதயமாவது சங்கமத்தில் என்றாலும் பிறப்பு என்பது பிரிவில்தான் தொடங்குகிறது என்று பேசும் இந்நூல் பிரிவு குறித்த ஆழ அகலங்களை விரிவாக அலசி ஆராய்கிறது.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜூன் 2018

• அத்தியாவசியமாக தேவைகளைப் பூர்த்தி செய்யத் தேவையான பணத்தைத் துல்லியமாகக் கணக்கிட்டு மீதமிருப்பதை எதிர்காலத்திற்காக முறையாக முதலீடு செய்வதுதான் சேமிப்பு என்று சேமிப்பின் இன்றியமையாமையை வலியுறுத்தும் இந்நூல் அதன் பயன்பாட்டையும் மெச்சுகிறது. பணத்தைச் செலவழிக்கும் உரிமையுள்ளவர்கள் கைகளில்தான் சேமிப்பின் ரகசியம் அடங்கியிருக்கிறது என்பதை இந்நூல்வழி உணரலாம்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜூன் 2018

• அத்தியாவசியமாக நிகழ்வுகளுக்குத் தேவையானவற்றைச் செலவழித்து, வாழ்வின் இனிமையைத் தொலைக்காமல் வசதிகளுடனும், மகிழ்ச்சியுடனும் வாழ்ந்து, அவற்றில் எஞ்சியவற்றை எதிர்காலத்திற்காக எடுத்து வைப்பதே சேமிப்பு என்பதை விளக்கும் நூல். ஒருவருடைய நடவடிக்கைகளில் எல்லா மேன்மையும், மேம்பாடும் மேவிட சிக்கனம் எருவாக மட்டுமல்ல, சமயத்தில் விதையாகவும் இருக்கிறது என்பதன் விரிவான விளக்கமே இந்நூல்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜூன் 2018

• சுத்தம் என்பது ஒரு பண்பாடு. உடலைத் தூய்மையாக வைத்திருப்பதைப்போலவே உள்ளத்தையும் தூய்மையாக வைத்திருந்தால் மட்டுமே வாழ்க்கை உன்னத அனுபவமாக இருக்கும் என்று சுத்தத்தின் அவசியத்தை விவரிக்கிறது இந்நூல். வெளித்தோற்றத்தில் சுத்தமாக இருப்பதில் மட்டும் ஆர்வம் காட்டாமல் தங்கள் வசிப்பிடங்களையும், பணிபுரியும் இடங்களையும் மேலதிகமான சுத்தமாகப் பேண வேண்டுமென்பதற்கு வழிகாட்டுகிறது இந்நூல்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜூன் 2018

• நேரத்தின் அருமையைப் புரிந்துகொண்டு மிகச் சரியாகத் திட்டமிட்டு காலத்தைப் பயன்படுத்தும் மனிதர்கள் வாழ்வில் மிக விரைவாக முன்னேறிச் செல்வார்கள் எனும் உண்மையை உதாரணங்களோடு எடுத்துரைக்கிறது இந்நூல். ஒரு நிமிடத் தாமதம் ஒருவரது வாழ்வில் பல்லாண்டுகளுக்குப் பாதிப்பைத் தரும் என எச்சரிக்கும் இந்நூல் நேர மேலாண்மையின் அவசியத்தையும், அதன் அற்புதப் பலன்களையும் பட்டியலிடுகிறது.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜூன் 2018

• தவம் என்பது வரத்தை நோக்கிச் செய்யப்படுவது மட்டுமல்ல, உண்மையான தவம் என்பது வரத்தைத் தாண்டியதாக இருக்கிறது என்பதை விளக்கங்களுடன் விவரிக்கும் இந்நூல், அன்றாட வாழ்க்கையில் ஒவ்வொருவரும் தங்கள் காரியங்களையே தவமாகக் கருதிச் செய்ய வேண்டும் என்பதை வலியுறுத்துகிறது. வைராக்கியமாக இருப்பவர்களின் மனம் சற்றே ஊசலாடும்போது மனத்தை ஊஞ்சலாக மாற்றிக்கொள்வதே தவம் என்பதை உணர்த்துகிறது இந்நூல்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜூன் 2018

• சரியான அளவு ஆழ்ந்து தூங்கி எழுபவர்கள் உடலில் புத்துணர்வையும், கருத்தில் தெளிவையும் பெறுவதோடு அவர்கள் செயல்களில் ஆர்வத்தையும், பணிகளில் வேகத்தையும் காட்டுவார்கள். சரியாகத் தூங்காதவர்களோ எழுந்திருக்கும்போதே அன்றைய நாளை சபித்துக்கொண்டே எழுவார்கள். அவர்களின் செயல்பாடுகளில் ஊக்கமும் வேகமும் இராது என்பதால், தூக்கத்தின் தேவையையும் அளவையும் நிதானப்படுத்திக்கொள்ள வகை செய்கிறது இந்நூல்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜூன் 2018

• இயற்கையின் அற்புதங்களில் ஒன்றான நமது உடலைப் பராமரித்து பேண வேண்டியதின் அவசியத்தை வலியுறுத்தும் இந்நூல் உடல்நல அக்கறை குறித்த எளிய முறைகளை விவரிக்கிறது. ஒருவரது மனம் பாதிக்கப்படும்போதெல்லாம் உடலும் அயர்ந்து போகிறது. அடிக்கடி உணர்ச்சிவசப்படுபவர்கள் அதிகளவிலான உபாதைகளுக்கு ஆளாகி விடுகிறார்கள் என்பதால் உடலையும், மனத்தையும் ஒருசேர நலமாய் வைத்திருத்தல் அவசியம் என்கிறது இந்நூல்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜூன் 2018

• இயற்கை அழகானது; இயற்கையால் படைக்கப்பட்டவை அனைத்தும் அழகானவை. மழை அழகு; மழையைத் தரும் மேகம் அழகு. மலை அழகு: மலையில் தோன்றும் அருவி அழகு. இவ்வாறு கண்ணுக்குத் தோன்றும் அழகுக் காட்சிகளையெல்லாம் அழகுறக் கூறி, மனிதனின் குணம், நடத்தையின் அழகு எவ்வாறு வடிவம் பெறுகிறது என்றும், அந்தக் குணம், நடத்தையின் அழகு மனித சமுதாயத்தில் எப்படிஅழகு சேர்க்கிறது என்றும் விளக்குகிறது இந்நூல்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜூன் 2018

• நம்பிக்கை என்பது ஆன்மிக வெளியில் எதை விளைவிக்கும், புற வாழ்வில் எதை விளைவிக்கும் என்று விளக்குகிறது இந்நூல். அதீத நம்பிக்கை என்ன செய்யும், குறைந்த நம்பிக்கை என்ன செய்யும் என்று கூறும் நூலாசிரியர் நம்பிக்கை என்ற கூறு எந்தெந்த இடங்களில் எவ்வெப்படி பொருள் உரைக்கிறது என்று பேசி, அந்த நம்பிக்கையை நம் வாழ்வில் எப்படிப் பயன்படுத்தி மேன்மையுற வேண்டும் என்று அறிவுறுத்துகிறார். அவற்றைப் பல்வேறு வரலாற்றுச் சான்றுகளுடன் எடுத்துக் காட்டியிருப்பது இந்நூலின் சிறப்பு.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: டிசம்பர் 2018

• ‘மற்றவர்களுக்காகப் பணி செய்கிறோம் என நினைத்தால் உடலில் தளர்வும், உள்ளத்தில் சோர்வும் ஏற்படும். நமக்காகவே நாம் பணியாற்றுகின்றோம் என்கிற உண்மை புரிந்தால், உழைப்பு களைப்பை வரவழைக்காது. ஈடுபாடு இல்லாமல் எந்தப் பணியைச் செய்தாலும் அது வயலுக்குப் பாய்ச்சும் வாய்க்காலாக இல்லாமல் விழலுக்கு இறைத்த நீராகிவிடும். நேரத்தை மாத்திரம் சேர்த்து வைக்க முடியாது. இன்று பணியாற்ற மறுத்தால், ஒரு நாள் போனது போனதுதான். மகத்தான மண்டபத்தை உருவாக்க நினைக்கிறபோது அதில் கலசம் வைக்கிறவர்கள் மட்டுமல்ல, கடைக்கால் எழுப்புபவர்களும் அக்கறையோடு பணியாற்றினால்தான் கட்டடம் காற்றில் இடிந்து விழாமல் காப்பாற்றப்படும்’ என்கிறது பணிப் பண்பாடு.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: மே 2009
6-ஆவது பதிப்பு: ஜனவரி 2017

• தமிழகம் எண்ணற்ற கோயில்களைத் தன்னகத்தே கொண்டிருக்கிறது. முப்பதாயிரத்திற்கும் மேற்பட்ட கலைவடிவங்களைத் தன் மேனி முழுவதும் மேவி பண்பாட்டின் அடையாளமாகத் திகழ்கிறது. திரும்பிய பக்கமெல்லாம் வழிபாட்டுத் தலங்கள்; வரலாற்று நிகழ்வுகளுடன் பின்னிப் பிணைந்த புனைவியல் சித்திரிப்புகள்; அவை உணர்த்தும் வாழ்வியல் தத்துவங்கள். ஒவ்வொரு கோயிலையும் உன்னிப்பாக வலம் வந்து அங்கு இருக்கும் கட்டடக் கலை நுட்பத்தையும், கவின்மிகு சிற்பங்களின் நுட்பத்தையும் நுகர்ந்தால் மெய்ஞானம் கிடைத்த அனுபவம் வாய்க்கப் பெறும். இப்படிப்பட்ட சிற்பங்களைச் சிதைக்கலாமா என்று அறிவுரை கூறுகிறது இந்நூல்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: டிசம்பர் 2009

• வையத்துள் வாழ்வாங்கு வாழ்வதுதான் அறம். அதைத்தான் தர்மம் என்று அழைக்கிறோம். எவன் ஒருவன் தன்னுடைய வாழ்வை எல்லா வகைகளிலும் செம்மையாக மாற்றிக்கொள்கிறானோ, யாருக்கும் எந்தவிதமான தொந்தரவும் தராமல் தன்னுடைய ஒவ்வொரு செய்கையிலும் உலகத்திற்கு இனிமை சேர்க்கிறானோ, தன்னுடைய இருத்தலால் இளைப்பாறுதலைத் தருகிறானோ அவனே அறம் புரிந்தவனாகக் கருதப்படுவான். நேர்மையிலும், நீதியிலும் பிறழாத நெஞ்சைக் கொண்டவன் தர்மவானாகக் கருதப்படுவான். இவைதான் இந்நூல் கூறும் செய்திகள்.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: ஜனவரி 2018

• மனிதனின் முயற்சி இல்லாமலும், அவன் முயற்சியை மீறியும், தானாகச் செழித்து நின்று, பார்க்கும்போது கண்ணையும் கருத்தையும் ஈர்க்கிற அனைத்துமே இயற்கைதான். அதில் எப்போதும் ஆனந்தப்படுவதாகவே இருக்கிற நிகழ்வுகள் மட்டுமல்ல, அதிர்ச்சிக்குள்ளாக்கும் நிகழ்வுகளும் அடங்கும். இவ்வாறு இயற்கையை விவரிக்கிறது இந்நூல்.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: ஜனவரி 2018

• பார்க்கிற மனங்களையும் மலர வைப்பதே மலர்களின் பண்பு. கசக்குகிற கைகளும் கமகமக்கும்; நசுக்குகிறபோதும் நறுமணம் வீசும்; சிதைக்கும்போதும் வாசம் வீசும்; இவையே மலர்களின் இயல்பு. இயற்கை எப்போதும் தேவையினடிப்படையில்தான் இயங்குகிறது. மலர்களே தாவரங்களின் வாரிசுகள் தொடர்வதற்கான வைப்பு நிதியங்கள். எந்தச் செடிக்கு எது தேவையோ அந்த வகையிலே பூக்களும் அளிக்கப்பட்டிருக்கின்றன. இதழ்களை வைத்தே நாம் பூக்களை நேசிக்கிறோம். மலர்கள் ஆடைகளாகவே இதழ்களை அணிகின்றன. உள்ளிருக்கும் மகரந்தமும், வட்டமுமே இதன் இயல்பைத் தீர்மானிக்கின்றன. மலர்களின் மாண்புகள் குறித்து விரிவாகப் பேசுகிறது இந்நூல்.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: ஜனவரி 2018

• முதிர்ச்சி என்பது இருக்கிறபோதே ஒரு பொருளின் அருமையை உணர்ந்து அதை இழக்காமல் பார்த்துக்கொள்வது. இருப்பதை இழந்து அதிர்ச்சியடையாமல், இருக்கும்போதே மகிழ்ந்து பூரிப்பதே முதிர்ச்சி. பல முக்கியமானவர்கள் முதிர்ச்சியடைய மறுப்பதுதான் நம் பெரும்பான்மையான பிரச்சினைகளுக்குக் காரணம். பெரிய பதவிகளில் இருப்பவர்கள் வயதை மீறிய முதிர்ச்சியுடனும், அனுபவங்களை மீறிய பொறுமையுடனும் நடந்துகொள்ள வேண்டும் என்று அனைவரும் எதிர்பார்ப்பது இயல்பு. முதிர்ச்சியின் பல பண்புகள் இந்நூலில் விவரிக்கப்படுகின்றன.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: ஜனவரி 2018

• நட்பே உறவுகளில் உண்மையானதும், உன்னதமானதும் ஆகும். எண்ணுகிறபோதே உள்ளத்தில் உற்சாகமும், கண்களில் மின்னலும் தோன்றும் இனிமையைத் தன்னகத்தே கொண்டது நட்பு. அது மட்டுமே ரத்த சம்பந்தமில்லாத உறவு. உடலோடு தொடர்புடைய உறவுகளுக்கு நடுவில் உள்ளத்துடன் தொடர்பு கொண்டதாக உயிர்ப்புடன் நிலவுவது நட்பு மட்டுமே. நட்பின் இலக்கணம் குறித்து பேசுகிறது இந்நூல்.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: ஜனவரி 2018

• காதலால் மானுட மலர்ச்சிக்கு பல சாத்தியக்கூறுகள் உண்டு. அது கண்டங்களை இணைக்கும், சாதிகளை அழிக்கும், மதவேறுபாடுகளை மறுதலிக்கும், இனப்பாகுபாடுகளை முறியடிக்கும், மொழி ஒற்றுமையை முன்மொழியும்.

• இந்நூல், ‘காதல் நெறிப்படுத்துகிற உணர்வாக இருக்க வேண்டும். கோபம்போல, அன்புபோல, வெறுப்புபோல காதலும் ஓர் உணர்வுதான். நீடிக்க வேண்டிய உணர்வு. அதை தெய்வீகப்படுத்தவோ, புனிதப்படுத்தவோ தேவையில்லை’ என்று பேசுகிறது.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: ஜனவரி 2019

• உயிரற்ற பொருட்கள்மீதுகூட கருணையுடன் நடந்துகொள்பவர்கள் இருக்கிறார்கள். காகிதத்தைக்கூட கசக்காமல் கையாளுபவர் உண்டு. நதியைக்கூட கலக்காமல் கடந்து செல்லும் கருணை மனம் கொண்டோர் உண்டு. அவர்களைப் பொருத்த வரை அவற்றிற்கும் உயிர் உண்டு. கருணையின் பல பரிமாணங்களை இந்நூலில் தெரிந்து கொள்ளலாம்.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: ஜனவரி 2019

• ‘தனிமை நம்முடைய ஆயுளை அதிகரிக்கும். தேவையற்ற பதற்றங்களும், ரத்தக் கொதிப்பும், மன அழுத்தமும் வராமல் நம்மை அது பாதுகாக்கும். தனிமையை அதிகப்படுத்த அதிகப்படுத்த நம் ஆயுளின் அடர்த்தியை அதிகப்படுத்துகிறோம். ஒவ்வொரு நிமிடத்தையும் நான் இன்னும் செறிவாக வாழ்கிறோம்’ என்று கூறுகிறது இந்நூல்.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: ஜனவரி 2019

• வாழ்க்கை குறித்த பல பரிமாணங்களை விளக்கும் இந்நூல், ‘வாழ்க்கை என்பது பிறப்பில் தொடங்கி இறப்பில் முடிகிற சாதாரண நிகழ்வல்ல. இது பிறப்பதற்கு முன்பே தொடங்கி இறப்பிற்குப் பின்பும் தொடர்கிற சங்கிலித் தொடர். வாழ்வே வரம் என்று எண்ணி அதை அனைத்து வகைகளிலும் செறிவும், நிறைவும் கொண்டதாக மாற்ற எண்ணும் மனிதர்கள் அதைக் கொண்டாட்டமாக்கிக் கொள்கிறார்கள். அவர்களுக்கும் வலிகள் வரும்; ஆனால் அவற்றையும் சுகமாக்கிக் கொள்ளும் திடமான உள்ளம் அவர்களிடம் உண்டு. வாழ்வையும், நம்மையும், நம்மைச் சுற்றியுள்ளவர்களையும் நீடிக்கும் ஆரோக்கியமான மகிழ்ச்சிக்கு உட்படுவதிலேயே அதன் சிறப்பும், பெருமையும் இருக்கிறது’ என்றெல்லாம் விரிவாகப் பேசுகிறது

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: ஜனவரி 2019

• வைராக்கியம் இருப்பவர்களுக்கு வாழ்க்கை ஒரு தவம். அவர்கள் எதைச் செய்தாலும் அது தியானம்போல இருக்கும். அவர்களை எந்த வகையிலும் கவனம் சிதற வைக்க இயலாது. அவர்கள் படிக்கும்போது அருகில் சூறாவளி சுழன்றடித்தாலும் விழிப்புணர்வு மாறாது. அவர்கள் குறிப்பிட்ட பணியை குறிப்பிட்ட காலத்தில் முடிப்பது என முடிவு செய்துவிட்டால், அதில் சிறிதும் பின்வாங்காமல் ஆற்றலைத் திரட்டி ஆளுமையுடன் திகழ்வார்கள். இப்படிப்பட்ட குணாம்சம் ஒவ்வொரு மனிதனுக்கும் அவசியம் தேவை என்று கூறுகிறது இந்நூல்.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: ஜனவரி 2019

• மானுட சமுதாயம் உழைப்பால் உயர்ந்து உன்னதம் பெற்றது. இன்று நவீன யுகத்தின் மடியில் படுத்திருக்கும் இளைய சமுதாயம் சிரமமான பணிகளில் உடல் வருந்தி செய்யாமலிருக்க கருவிகள் கண்டுபிடிக்கப்பட்டு விட்டன. அதிகமான மின்னணுச் சாதனங்கள் நம் நேரத்தை மிச்சப்படுத்துகின்றன. அந்த உபரி நேரத்தை உபயோகமான பணிகளுக்காக பயன்படுத்த வேண்டுமே தவிர, ஊதாரித்தனமாக வீணடிக்கக் கூடாது. உழைப்பே நம்மை நலத்தோடும், வளத்தோடும் வைத்திருக்கக் கூடிய சாதனம். இன்று எதையும் செம்மையாகச் செய்ய வேண்டும் என்கிற மனப்பான்மை குறைந்துகொண்டே வருகிறது. உழைப்பின் மேன்மையை நேர்த்தியான வழிகளில் நெசவு செய்திருக்கும் இக்குறுநூல் சோம்பலை விரட்டி சுறுசுறுப்புடன் உழைக்கச் செய்யும் நன்னூல்.

பதிப்பாளர்
விஜயா பதிப்பகம்,
20 ராஜ வீதி,
கோயம்புத்தூர் 641001
தொலைபேசி: 0422- 2394614/2382614
முதல் பதிப்பு: ஜூன் 2014

• முதல் முப்பது நாட்களே முக்கியம். அப்போது ஏற்படும் புரிதலே மூலதனம். அப்போது உண்டாகும் அன்பே விதைநெல். முப்பது நாட்கள் முழுவதும் கணவன்-மனைவி என்ற உரிமைகளை உதற வேண்டும். நண்பர்களாய்ப் பழக வேண்டும். எந்த மனத் தயாரிப்புமின்றி அணுக வேண்டும். ஒருவரையொருவர்அப்படியே ஏற்றுக்கொள்ளக் கற்க வேண்டும். ஒருவர் கொதிக்கும்போது மற்றவர் பனிக்கட்டியாக மாற வேண்டும். ஒருவர் பாலாய்ப் பொங்கினால் மற்றவர் நீராய் இறங்க வேண்டும். ஒருவருக்கு வியர்க்கும்போது இன்னொருவர் விசிறியாக வேண்டும். மனந்தளருபவர் சாய மற்றவர் தோள்களே மகத்தான ஆறுதல் அரண். கணவன்-மனைவி இருவரும் அவசியம் படிக்க வேண்டிய நூல்.

பதிப்பாளர்
நேசம் பதிப்பகம்
எண் 9, ஜி.ஏ. சாலை
சென்னை 600021
தொலைபேசி: 044-25980044/9444361136
முதல் பதிப்பு: மார்ச் 2014
4-ஆவது பதிப்பு: ஆகஸ்டு 2016

• சுயமரியாதை என்பது ஒரு நாட்டின் பண்பாடாக விளைய வேண்டும். அப்போதுதான் அங்கிருக்கும் மக்கள் எல்லா வகைகளிலும் மேம்பட்டு விளங்க முடியும். சுயமரியாதை என்பது தனிமையில் இருக்கும்போதும் தன்னைப் பற்றிய உணர்வு தண்ணீருக்கு அடியில் போடப்பட்ட சிறகு மேலெழுந்து வருவதைப்போல ஓங்கி நிற்கின்ற தன்மை கொண்டது. அதனால்தான் தன்னுடைய சுயம் மற்றவர்களுடைய காலால் மிதிக்கப்படும்போது அதைச் சகிக்க முடியாமல் கிளர்ந்து எழுத்தவர்கள் உண்டு.

பதிப்பாளர்
நேசம் பதிப்பகம்
எண் 9, ஜி.ஏ. சாலை
சென்னை 600021
தொலைபேசி: 044-25980044/9444361136
முதல் பதிப்பு: மார்ச் 2015

• ‘முறையான கல்வி என்பதே முறைசாராத கல்விதான். எந்த வரையறைக்குள்ளும் திணித்துக்கொள்ளாமல், நாம் தெரிந்துகொள்ளவும், அறிந்துகொள்ளவும், புரிந்துகொள்ளவும் முற்படும்போதுதான் நம் கல்வி தொடங்குகிறது. கற்பதற்கு அணுசரனையான சூழல் உருவாக ஒரே ஒரு வழியுண்டு. அது நாம் கல்வியை மதிப்பெண்களைத் தாண்டி நேசிக்கக் கற்றுக்கொள்வது மட்டுமே. அப்போது நம் வாசிப்பு விரிவடையும். நாம் புத்தகங்களைத் தாண்டி படிக்கத் தொடங்குவோம். நம் தேடல் ஒவ்வொரு நிகழ்வு பற்றியும் அலசுவதாக அமையும். நாம் எதையும் அப்படியே ஏற்றுக்கொள்ளாமல் கேள்வி கேட்கத் தொடங்குவோம். சரியான விடைகள் சரியான வினாக்களிலிருந்தே விடுபடத் தொடங்குகின்றன’ என்கிறது ‘எது சரியான கல்வி?’ என்கிற இந்நூல்.

பதிப்பாளர்
நேசம் பதிப்பகம்
எண் 9, ஜி.ஏ. சாலை
சென்னை 600021
தொலைபேசி: 044-25980044/9444361136
முதல் பதிப்பு: ஜனவரி 2014
4-ஆவது பதிப்பு: ஜூலை 2016

• நாம் செய்கிற பணியில் எப்படி படைப்பைச் சேர்க்கலாம், புதுமையைப் புகுத்தலாம், வித்தியாசத்தை ஏற்படுத்தலாம் என்று சிந்தித்து, அதைச் செயல்படுத்துபவர்களே வெற்றி வீரர்கள். வாழ்க்கையை முறையாகக் கையாண்டால் வெற்றி பெறுவது நிச்சயம். சுய விழிப்புணர்வு (சுயமறிதல்), பிரச்சினையைத் தீர்த்தல், முடிவெடுத்தல், அலசி ஆராய்தல், படைப்பாக்கச் சிந்தனை, உறவு மேலாண்மை, உணர்ச்சி மேலாண்மை, அடுத்தவர் நிலையில் ஆய்தல், சிறந்த தகவல் தொடர்பு, பதற்ற மேலாண்மை என்ற பத்து உட்தலைப்புகளில் ஆசிரியர் கூறுபவற்றை முறையாகக் பின்பற்றினால் வெற்றி நம் கைகளில். பதின்ம வயதினர் அவசியம் படிக்க வேண்டிய நூல்.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: ஆகஸ்டு 2019

• நீரிலிருந்து உற்பத்தியாகும் குமிழி நீரிலேயே சங்கமமாவதுபோலத்தான், மூலத்திற்குத் திரும்புவதே வாழ்வாக இருக்கிறது. நம்முடைய உணர்ச்சிகள்கூட நீர்க்குமிழிபோலத் தோன்றி மறைபவை. மகிழ்ச்சி, துயரம், கண்ணீர், கோபம் அனைத்தும் மின்னலைப்போல வந்தவுடன் சென்றுவிடுகின்றன. மகிழ்ச்சியில் ஜொலிக்கும் முகம் அடுத்த நிமிடமே இருண்டு போவதைப் பார்க்கலாம். கட்டுப்படுத்த முடியாத கோபம் மூக்கின் மேல் வருகையில் எரிந்து விழுந்த நாம், எதிரேயிருப்பவர் முகம் சுருங்கியதும் ‘நாம் ஏன் இப்படி எரிந்து விழுந்தோம்’, ‘நாமா இப்படி நடந்து கொண்டோம்’ என்று எண்ணுவதுண்டு.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: ஆகஸ்டு 2019

• ‘மனம் இடத்தையும், காலத்தையும் கடக்கும் அனுபவமே மகிழ்ச்சி. விவரிக்க முடியாத அளவு உள்ளம் துள்ளும் உணர்வும், அந்த நொடியில் உலகத்தின்மீது உட்கார்ந்திருப்பது போன்று நமக்கு ஏற்படும் பூரிப்பும் மகிழ்ச்சிக்கான அங்க அடையாளங்கள். நினைத்துப் பார்க்கும்போது ‘இன்னும் வேண்டும்’ என்ற எண்ணமும், ஒவ்வொரு முறையும் மனத்தில் நிறைவும் ஏற்பட்டால் நம் மகிழ்ச்சி உண்மையானது என்று பொருள்’ என்று தொடங்கும் ஆசிரியர் மகிழ்ச்சியின் பொருளை பல்வேறு வடிவில், பல்வேறு நிலைகளில் ஆய்ந்து விளக்குகிறார்.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: ஆகஸ்டு 2019

• மகிழ்ச்சியாக இருக்க ஆடம்பரமோ, பகட்டோ தேவையில்லை. மற்றவர்களுக்கு நிரூபிக்க நினைத்து நாம் எந்தப் பணியும் ஆற்ற வேண்டியதில்லை. நாம் எப்போதும் மகிழ்ச்சியாக இருக்க தகுதிக்கேற்ப, தேவைக்கேற்ப, சூழலுக்கேற்ப, வயதுக்கேற்ப, பதவிக்கேற்ப, வருமானத்திற்கேற்ப வாழ்வதுதான் வழி.

  -இறையன்பு

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: ஆகஸ்டு 2019

• நிகழ்காலத்தில் இருப்பவன் பயம் கொள்வதில்லை. அவன் தன்னுடைய அனைத்துச் சக்தியையும் ஒன்றாகத் திரட்டி பிரச்சினையை எதிர்கொள்வதில் கவனமாக இருக்கிறான். ஒருவகையில் அது எண்ணமற்ற நிலையாகத் திகழ்கிறது. அந்த நொடியில் அவன் புலன்கள் அனைத்தும் பிரச்சினைகளை எதிர்கொள்ளும் பேருருவைப் பெற்றுவிடுகின்றன. குழந்தைகள் துளியும் பயம் இல்லாமல் இருப்பதற்குக் காரணம் அவர்களுக்கு எதிர்காலம் பற்றிய எந்தச் சந்தேகமும் இல்லாமல் இருப்பதுதான். எந்தப் பிரயத்தனமும் இல்லாமல் நாம் பிறந்தோம்; அதற்காக எந்த முயற்சியையும் நாம் செய்யவில்லை; எனவே இந்த இருத்தல் தங்களைக் காப்பாற்றும் என்ற முழுமையான நம்பிக்கையை இயற்கையின் மீது வைத்து குழந்தைகள் இயங்குகின்றன.

• பயம் என்ற உணர்வின் பல முகங்களைப் பட்டியலிட்டு, அதை எவ்வாறு களைவது என்பது குறித்து விளக்கியிருக்கிறார் நூலாசிரியர்.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: ஆகஸ்டு 2019

• நாகரிகம் என்பதை அணியும் அணிகலன்களிலும், உடுத்தும் உடுப்புகளிலும், தெரியும் தோற்றத்திலும் அடையாளப்படுத்திகொள்ள முயற்சி செய்பவர்கள் நாம். உண்ணும் உணவும், கொண்டாடும் பண்டிகைகளும், மேற்கொள்ளும் பழக்கங்களும் நம்முடைய பண்பாட்டைப் பிரதிபலிப்பதாக நாம் நினைத்துக்கொண்டிருக்கிறோம். பலர் முள்கரண்டியால் சாப்பிடுவதையும், மென்மையாக நுனிநாக்கு ஆங்கிலத்தில் பேசுவதையும், அவசியமற்று வெற்றுவார்த்தைகளை உபயோகப்படுத்துவதையும், தேவையில்லாமல் எதிரே இருப்பவர்களைப் புகழ்ந்து கண்ணுக்குத் தெரியாத கைகளால் அவர்கள் முதுகில் தட்டிக் கொடுப்பதையும், அன்பில்லாவிட்டாலும் இருப்பதுபோல் காட்டிக்கொள்கின்ற போலி உபச்சாரத்தையும் நாகரிகம் என்று கருதிக் கொண்டிருக்கிறார்கள்.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: ஆகஸ்டு 2019

• பெருந்தன்மை என்பது அருகிப்போயிருக்கும் இக்காலத்தில் அதை எடுத்துச் சொல்வது அவசியமாகியிருக்கிறது. இந்நூலில் பெருந்தன்மை என்றால் என்ன, அதன் குணாதிசயங்கள் என்ன, பெருந்தன்மையுடன் வாழ்வது எப்படி என்று பெருந்தன்மையை பல்வேறு கோணங்களில் அலசியிருக்கிறார் ஆசிரியர் இறையன்பு.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: ஆகஸ்டு 2019

• மனிதனுக்கு பொழுதுபோக்கு அவசியம்தான். ஆனால் பொழுதுபோக்கு என்ற வார்த்தையின் உண்மையான பொருளைப் புரிந்துகொள்ளாமல் பொழுதை வீணாக்கும் பல்வேறு அம்சங்களில் ஈடுபட்டு நேரத்தை வீணடிக்கிறோம். இந்நூலில் ஆசிரியர் பொழுதுபோக்கு நமது வாழ்க்கையில் ஆரம்பித்தது தொடங்கி அதை எந்தெந்த வழிகளில் செழிப்பாக ஈடுபடுத்திக்கொள்ளலாம் என்பது வரை விளக்கமாக விவரித்துள்ளார்.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: ஆகஸ்டு 2019

• விபத்து என்பது இரண்டு தரப்பிலும் செய்கிற தவறுகளால் நிகழ்வது அல்ல. ஒரே ஒருவர் செய்கிற தவறுகூட விபத்தை விளைவிக்கலாம். மிகச் சரியாக வாகனத்தை ஒருவர் ஓட்டிச் செல்வார். அந்த வாகனத்தின் எதிரே வருபவர் மது அருந்தியோ, தூங்கி வழிந்தோ, தேவையற்ற வேகத்துடனோ தன் வாகனத்தை ஓட்டி வரலாம். அப்போது சரியாக ஓட்டுபவர் மீது அவர் மோத விபத்து நிகழலாம். அதில் முறையாக ஓட்டுபவர் மரணமடைய, தாறுமாறாக ஓட்டியவர் தப்பிக்கலாம்.

• விபத்தின் பல்வேறு பரிமாணங்களை சுவையாக எழுதியிருக்கிறார் ஆசிரியர் இறையன்பு.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: ஆகஸ்டு 2019

• நூலிலிருந்து: இன்னொரு பிறவி என்ற ஒன்று இல்லை என்றாலும், ‘அடுத்த பிறவி என்ற ஒன்று இருந்தால் என் துணையே எனக்குத் துணையாக வரவேண்டும்’ என இருவரும் கருத முடிந்தால், அதுவே வெற்றித் திருமணமாக இருக்க முடியும். அது வாழ்வு முடியும் நொடியில்தான் வரையறுக்கப்படுகிறது.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: ஆகஸ்டு 2019

• ஒரு கருத்தாக்கத்தையோ அல்லது ஒரு பிரச்சினையையோ ஒற்றைக் கண்ணோட்டத்தில், ஒரு கோணத்தில் மட்டுமே பார்ப்பவர்கள் அதில் உண்மையின் தரிசனத்தைப் பெரும்பாலும் இழந்து விடுகிறார்கள். ஆனால் எதையும் பன்முகப் பார்வையில் பார்க்கப் பழகியவர்களோ சத்தியத்தின் விலாசத்தை விசாரித்து அறிந்து விடுகிறார்கள்.

• இந்நூலில் இறையன்பு அவர்கள் பல்வேறு விஷயங்கள் குறித்து பன்முகப் பரிமாணங்களில் பருந்துப் பார்வை செலுத்தி அவற்றை நாம் முழுமையாகத் தெரிந்துகொள்ள வைக்கிறார்; தெளிவு பெற வைக்கிறார்.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: ஆகஸ்டு 2019

• அறிவின் தாத்பர்யங்களை அதன் எல்லாப் பக்கங்களிலிருந்தும் நின்று நிதானமாக உரைக்கும் அறிவுத்தடம் இந்நூல். ஒரு நிகழ்வை எப்படிப் பார்க்கிறோம், எவ்வாறு புரிந்துகொள்கிறோம் என்பதுதான் அறிவின் அடையாளமாகத் திகழ்கிறது. நம் முன் நிற்கிற ஒரு பிரச்சினையை எவ்வளவு விரைவில் புரிந்துகொண்டு அதற்கான தீர்வைப் பரிந்துரைக்கிறோம் என்பதுதான் நம் அறிவின் அடர்த்தி என்பதை விரிவாக விளக்கும் நூல்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜனவரி 2020

• கலைகளின் வரலாற்றையும், அதன் பேரழகுகளையும் விரிவாக விளக்குவதோடு, கலை உணர்வு சரித்திரத்தில் ஏற்படுத்திய மாற்றங்களை முன்வைக்கும் இந்நூல் கலை வடிவங்களின் உள்ளுருவையும், பயன்பாட்டையும், ரசனையையும் விவரிக்கிறது. ஓவியம், சிற்பம், நடனம், இசை, நடிப்பு, கட்டடக்கலை இவற்றோடு வேளாண் தொழில்நுட்பத்தையும் கலையாக உருவகித்துப் பேசும் இந்நூல் கலைகள் குறித்த புரிதலை விசாலப்படுத்துகிறது.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜனவரி 2020

• குழந்தைகள் உலகத்தை வலம்வந்ததைப் போன்ற அனுபவத்தைத் தருவதோடு குழந்தையைப் போன்ற சிறந்த கவிதை எதுவும் உலகிலில்லை என்பதைச் சொல்லும் மழலைக்கவிதை இந்நூல். குழந்தைகளின் சிறப்புகளையும், நிகரற்ற இன்பமளிக்கும் ஊற்றாக விளங்கும் குழந்தைமையின் மகத்துவங்களையும் பட்டியலிடும் இந்நூல் குழந்தைகளால் நிரம்பிய வீடு மகிழ்ச்சியும் மலர்ச்சியும் நிரம்பியிருக்கும் சோலை என்பதை உணர்த்திக்காட்டுகிறது.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜனவரி 2020

• அடுத்த உலகப்போர் நீருக்கானதாக இருக்கும் என்ற கருத்தை மனத்தில்கொண்டு நீர்ப்பாதுகாப்பை வலியுறுத்தி எழுதப்பட்ட இந்நூல் உலகெங்கும் நீராதாரங்கள் அருகிவந்துகொண்டிருக்கும் இவ்வேளையில் நீர்ப்பயன்பாட்டைச் சிக்கனப்படுத்தி சேமிக்கவேண்டிய அவசியத்தை உணர்த்திச் செல்கிறது. இயன்ற அளவு நீரை அசுத்தப்படுத்தாமல், சொத்தைப் பாதுகாப்பதுபோல காத்து அடுத்த தலைமுறையினருக்குக் கையளிக்கவேண்டும் என்று ஒவ்வொருவரும் உறுதிமொழி எடுத்துக்கொள்ள தயார்ப்படுத்தும் நூல்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜனவரி 2020

• பேராசைகளால் விளையும் பெரு நஷ்டம் என்பதை அனுபவ அடிப்படையில் விளக்குகிறது இந்நூல், அளவுக்கு மீறி ஆசைப்படுவதும், தகுதிக்கு மேலாக விருப்பங்கொள்வதும், உழைப்பைவிட மேலதிக பலனை எதிர்பார்ப்பதும் பேராசை என வரையறுப்பதோடு, பாவங்களில் பெரும்பாவமாகக் கருதப்படும் பேராசை இல்லாத மனநிலையை பெற்றோர் தங்கள் குழந்தைகளுக்கு உண்டாக்கிவிட்டால் அதுவே அவர்களைப் பாதுகாக்கும் கவசமாக விளங்குமென உரைக்கும் நூல்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜனவரி 2020

• புகழ் எத்தனை பெரிய போதை என்பதையும், அதன் பராக்கிரமங்களையும் அலசிச்சொல்லும் நூல். பரோபகாரியாகவும், விழுமியங்கள் நிறைந்தவனாகவும், தீய பழக்கங்களற்றவனாகவும் நல்விருந்தோம்பியாகவும் வாழ்வது புகழெனக் கருதப்பட்டதொரு காலம் போய், புகழுக்காக எத்தகைய கீழ்மைச்செயல்களிலும் ஈடுபடத் துணிந்து வெட்கப்படும்படியான அனைத்துவிதமான தீய செயல்களையும் செய்யும் பொய்த்தோற்ற மனிதர்களின் செயலை வெளிச்சப்படுத்தும் நூல்.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜனவரி 2020

• ரகசியமாகச் செய்யவேண்டியவை, வேண்டாதவை என்பதாக ரகசியத்தின் தன்மைகளை விளக்கிச் சொல்வதோடு ரகசியத்தின் இருப்பு, அதன் அவசியம், பாதுகாப்பு என்பனவற்றைப் பகுத்துச் சொல்லும் நூல். நேர்மையுடனும் ஒளிவுமறைவில்லாமலும் நேர்கோட்டு வாழ்க்கை வாழும் மனிதர்களுக்கு ரகசியம் அவசியமில்லை; எளிமையான வாழ்வு என்பது ஒளிந்து வாழத் தேவையற்ற சூழலைத் தரும்; அவர்கள் எந்தச் செய்தியையும் கமுக்கமாக வைத்திருக்கவேண்டிய அவசியமில்லை என்பதை எடுத்துரைக்கும் நூல்

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜனவரி 2020

• வாசிப்பின் நேசத்தை அனுபவபூர்வமாக விளக்கியுரைப்பதோடு புத்தக வாசிப்பின் தேவையையும், அதன் வளத்தையும், பயன்பாட்டையும் அணுஅணுவாக விவரிக்கும் நூல். வாசிப்புக்கான மனநிலை, காலம், சூழல், புத்தக வகைப்பாடு என ஒவ்வொன்றையும் கணக்கிட்டு அதற்கேற்ப வாசிப்பைத் தயார்படுத்திக்கொண்டால் உண்டாகும் மனநலம் மற்றும் உடல்நலத்தை எடுத்துரைக்கும் இந்நூல் வாசிப்பின் மீதான ஆர்வத்தையும் அவசியத்தையும் உரைத்து நிற்கிறது.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜனவரி 2020

• மனிதர்களுக்கு ஓய்வு எத்தனை ஆரோக்கியகரமானது என்பதைப் பேசும் நூல். ஓய்வு என்பது சும்மாயிருத்தல் அல்ல, உடலும் மனமும் ஒருசேர இளைப்பாறும் நிகழ்வே ஓய்வு என்பதை விளக்கும் இந்நூல் ஓய்வெடுத்தலின் அவசியத்தையும் காலத்தையும் சூழலையும் வரையறுக்கிறது. உழைப்பையும் ஓய்வையும் சரியான விகிதத்தில் அணுகும் உற்சாகம் கொண்டவர்களுக்கு வாழ்க்கையே ஒரு வரம் என்பதை எடுத்துரைக்கிறது.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜனவரி 2020

• உலகெங்கிலும் காலகாலமாக நடந்துவரும் திருட்டு பற்றிய தகவல்களின் திரட்டு இந்நூல். திருட்டுக்கும் திருட்டுத்தனத்துக்கும் உள்ள வேறுபாடுகளைப் பேசுவதோடு திருட்டின் வகைமைகளையும் திருடர்களின் குணாம்சங்களையும் விவரிக்கும் நூல். நியாயமற்ற முறையில் எந்த ஒன்றை ஈட்டினாலும் அது திருட்டாகவே கருதப்படும் என்றுரைக்கும் இந்நூலில் உழைப்புத் திருட்டு, அறிவுத் திருட்டு, இதயத் திருட்டு போன்ற சுவையான திருட்டு குறித்த தகவல்களும் இடம்பெற்றுள்ளன.

பதிப்பாளர்
நியூ செஞ்சுரி புக் ஹவுஸ் (பி) லிட்.
41-பி சிட்கோ இண்டஸ்டிரியல் எஸ்டேட்,
அம்பத்தூர், சென்னை 600098.
தொலைபேசி: 044-26251968/26258410
முதல் பதிப்பு: ஜனவரி 2020

• நூலிலிருந்து சில துளிகள்...

• பலர் வாசிக்கிறார்கள்; வாசிப்பதை அமைதியாக அமர்ந்து தியானிக்காமலேயே. அவசரம் அவசரமாக உண்பதை அசைபோடுகிற அவகாசம் தேவை. மாடுகளும் மான்களும் அவசரமாக உண்டதை மறுபடியும் வாய்க்குக் கொண்டு வந்து ஓய்வாகப் படுத்திருக்கும்போது அசைபோட்டுச் செரிமானம் செய்வதைப்போல எதைப் படித்தோமோ அதைச் சிந்திப்பதும், நினைவுக்குக் கொண்டுவருவதும், நம் புரிதலோடு பொருத்திப் பார்ப்பதும், அதன் சாராம்சத்தை உள்வாங்குவதும், அதன் மூலம் நம்மை மேன்மைப்படுத்திக்கொள்வதுமே வாசிப்பதற்கான வழிமுறைகள்.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• நூலிலிருந்து சில துளிகள்...

• இலக்கு என்பது அப்போதையக் குறியீடு. நோக்கம் என்பது நீண்டகாலக் குறியீடு.

• பலர் இலக்கையே நோக்கமாக நினைத்துப் பாதியில் களைத்துப் போகிறார்கள். இன்னும் சிலரோ இலக்கின் வெற்றியில் மகிழ்ந்து நோக்கத்தைத் தவற விடுகிறார்கள். நோக்கம் எது என்று வரையறை செய்ய முடியாத மனிதர்களால் நிரம்பி வழிகிறது உலகம்.

• துப்பாக்கி சுடுபவனுக்கு மையப் புள்ளியில் குண்டு செலுத்துவது அப்போதைய இலக்கு. ஆனால் ஒலிம்பிக்சில் தங்கப் பதக்கம் பெறுவது நோக்கம். ஓடுபவனுக்கு முதலிடம் பெறுவது இலக்கு. இதுவரை நிகழ்ந்த சாதனைகளை முறியடிப்பது நோக்கம். மாணவனுக்கு மருத்துவக் கல்வி படிப்பது இலக்கு. ஏழை எளியோருக்கு இன்முகத்தோடு சிகிச்சை செய்வது நோக்கம். பணியாளருக்குப் பணி கிடைப்பது இலக்கு. அப்பணியின் மூலம் சமூகத்தில் மாற்றத்தைக் கொண்டு வருவது நோக்கம். அரசியல்வாதிக்கு தேர்தலில் வெற்றி பெறுவது இலக்கு. ஆட்சியின் மூலம் மக்களின் வாழ்வில் மறுமலர்ச்சியைக் கொண்டு வருவது நோக்கம். கலைஞனுக்கு அப்போது தீட்டுகிற ஓவியத்தைச் செவ்வனே முடிப்பது இலக்கு. அந்த ஓவியம் புதிய பாணியில் அமைந்து ஓவிய உலகை உலுக்க வேண்டும் என்பது நோக்கம்.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• நூலிலிருந்து சில துளிகள்...

• உலகம் ஓசைகளால் ஆனது. பல நேரங்களில் நம் பேச்சின் ஒலி புற ஒலிகளை அமுக்கி விடுகிறது. இயல்பான ஓசையோ இனிமையானது. நாம் செயற்கை ஓசைகளால் அவற்றைச் சிதைத்துவிட்டு உலகத்தைச் சத்தம் மிகுந்த சந்தைக் கடையாக ஆக்கி வருகிறோம். சந்தமாக இருந்த ஓசை இன்று சந்தையாகி விட்டது. புற உலகம் அமைதியாக இருந்தாலும் நம் மனத்தின் ஓசை ஒலித்துக்கொண்டே இருக்கிறது. நம் உடலின் ஓசையை அமைதியாக இருக்கும்போது கேட்க முடியும்.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• நூலிலிருந்து சில துளிகள்...

• இளம் துறவி ஒருவர் மடாலயத்திற்குச் சென்றார். மூத்த துறவியின் அறைக்குச் சென்றபோது அவர் பருக பசுந்தேநீர் கொடுத்தார். அதனடியில் சின்ன பாம்பு இருந்தது. இருந்தாலும் அதைச் சுட்டிக்காட்டினால் அநாகரிகம் என்று அவசரமாக அதைக் குடித்துமுடித்து கீழே வைத்தார் இளந்துறவி. மறுநாளும் அவரைப் பார்க்கச் சென்றபோது அதே சம்பவம் நிகழ்ந்தது. அந்த இரண்டு நாட்களும் அவருக்கு வயிற்றில் குமட்டல். வாந்தி வருவது போன்ற உணர்வு. சாப்பிடவே பிடிக்காத நிலை. மூன்றாம் நாளும் அவருக்குத் தரப்பட்ட பசுந்தேநீரில் பாம்புக்குட்டி அடியிலிருப்பதைப் பார்த்து இனியும் சொல்லாமலிருப்பது நல்லதல்ல என்கிற முடிவுக்கு வந்தார் அந்த இளந்துறவி. அவர் தயங்கியவாறே மூத்த துறவியிடம் அதைச் சுட்டிக்காட்டினார். அந்த மூத்த துறவி சிரித்தவாறே இளம் துறவியிடம் கூரையைக் காட்டினார். கூரையில் பாம்புக்குட்டியின் சுதைச்சிற்பம் இருந்தது. அதன் பிரதிபலிப்பே பசுந்தேநீரில் தெரிந்திருக்கிறது என்பதை அவர் புரிந்து கொண்டார்.

• மனம் எதைக் கற்பனை செய்து கொண்டாலும் அதன் தாக்கம் உடலிலும் ஏற்படத் தொடங்குகிறது.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• நூலிலிருந்து சில துளிகள்...

• நாம் விடியும்போது சபித்துக்கொண்டே எழுகிறோம். நமக்குத் தெரிவதில்லை இரவு படுத்த பலருக்கு இருளே வாய்த்து விடுகிறது.அவர்கள் விடியலைத் தரிசிக்காமலேயே இறந்து விடுகிறார்கள். இப்போதும் பலருக்கு விடியல் தெரியாது. அவர்கள் விழிகள் செயற்கை வெளிச்சத்தில் செயலிழந்து விடுகின்றன. அவர்கள் ஞாயிறு உதிப்பதையும், பறவைகள் கூடுகளிலிருந்து பூபாளம் பாடிக்கொண்டே புறப்பட்டுச் செல்வதையும் திரையில் பார்த்து மகிழ்பவர்கள்.

• நேற்று என்பதும், நாளை என்பதும் எண்ணங்களால் உருவாவது. யாருக்குப் பிரக்ஞை இல்லாமல் போய்விடுகிறதோ அவர்களால் நாட்களையும் உணர முடியாது, மனிதர்களையும் அடையாளம் காண முடியாது. உள்ளுணர்வு உள்ளவர்களுக்கே இன்று என்பதும், நேற்று என்பதும், நாளை என்பதும் உணரக்கூடியவையாக இருக்கின்றன.

• நாம் இந்த நொடி மட்டுமே முக்கியமானது என்பதை உணர்வதே புதிதாய்ப் பிறப்பதற்கான புறப்பாடு.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• நூலிலிருந்து சில துளிகள்...

• பார்ப்பதற்கு மது சாதாரண தீமையைப்போலத் தெரியும். ஆனால் சங்கிலித்தொடராக அது ஏற்படுத்துகிற தாக்கம் எப்படி இருக்கும் என்பதை விளக்கும் சம்பவம் ஒன்று உண்டு.

• ஒருவனை ஓர் அறையில் அடைத்து விடுகிறார்கள. அவன் முன்பு அழகிய பெண், அவள் கையில் ஒரு குழந்தை. அங்கு மதுக்குப்பி ஒன்றும் இருக்கிறது.

• அவனிடம் ‘நீ இந்தக் குழந்தையைக் கொல்ல வேண்டும். அல்லது, அந்தப் பெண்ணைப் பங்கப்படுத்த வேண்டும். அல்லது, மதுவை அருந்த வேண்டும்’ என்று துப்பாக்கி முனையில் மிரட்டினார்களாம்.

• அவன் இருப்பதிலேயே குறைந்த தீமை என்று மதுவை அருந்தினான். போதை தலைக்கு ஏறியது. தன்னிலை மறந்தான். அந்தப் பெண்ணை நெருங்கினான். குழந்தை தடையாக இருந்ததால் அதை தூக்கி சுவரில் அடித்தான். அந்தப் பெண்ணும் கற்பை இழந்தாள்.

• மது எப்படி வரிசையாக எண்ணற்ற தீமைகளுக்கு மையப்புள்ளியாக இருந்து விடும் என்பதை உணர்த்தும் இந்த உருவகக் கதை வேறு வகைகளில் உண்மையாகி விடுவதை நாம் பார்க்கிறோம்.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• நூலிலிருந்து சில துளிகள்...

• ஒரு காலத்தில் வீட்டிற்கு உறவினர்கள் வந்த வண்ணம் இருப்பார்கள். இருப்பதை உண்பதற்கு அவர்கள் ஒருபோதும் எதிர்ப்புத் தெரிவிக்க மாட்டார்கள். வீடு கலகலவென்று இருக்கும். எல்லோரும் திண்ணையில் அமர்ந்து பேசிக்கொண்டேயிருப்பார்கள். குழந்தைகளுக்குக் கதை சொல்ல உறவினர் வந்து விட்டதால் ஏகப்பட்ட மகிழ்ச்சி. பெண்கள் ஆளுக்கொரு வேலை செய்து சமையல் நிறைவேறும். ஒருவர் வெங்காயம் உரிப்பார், ஒருவர் சாதம் வைப்பார், ஒருவர் சாம்பார் வைப்பார். சிறிது நேரத்தில் அனைவருக்கும் உணவு தயாராகி விடும்.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• நூலிலிருந்து சில துளிகள்...

• சடங்குகள் வேறு; சடங்காகச் செய்வது வேறு. நம் முன்னோர்கள் செய்தவற்றைப் பிறழாமல் பின்பற்றிச் செய்வது சடங்கு. செய்கிற எந்தச் செயலையும் விழிப்புணர்வின்றிச் செய்வது சடங்காகச் செய்வது.

• ஒப்புக்குச் செய்வது, கடனே என்று செய்வது, கட்டாயத்தின் பேரில் செய்வது, பேருக்குச் செய்வது, விருப்பமின்றிச் செய்வது, வெறுமனே செய்வது, வேண்டா வெறுப்பாய்ச் செய்வது, ஏனோதானோ என்று செய்வது, அரையும் குறையுமாய்ச் செய்வது, செய்ய வேண்டுமே என்று செய்வது, தப்புந்தவறுமாகச் செய்வது என்று எந்தச் செயலையும் நமக்காகச் செய்யாமல் அடுத்தவர்களுக்காகச் செய்யும்போது அது சடங்காக மாறிவிடுகிறது.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• நூலிலிருந்து சில துளிகள்...

• உடலுக்குச் சக்தியையும், மூளைக்குச் சுறுசுறுப்பையும், வயிற்றுக்கு நிறைவையும் வழங்குவதுதான் உணவின் நோக்கம். சாப்பிடும்போது மகிழ்ச்சியைத் தருவது மட்டுமல்லாமல், உண்டபின் உபாதை தராமல் உடலைக் காப்பதே உயர்ந்த உணவு. மேலோட்டமாகப் பார்த்தால் பசிக்காக சாப்பிடுவதுபோலத் தோன்றும். ஆனால் ஆற்றல் பெறவும், அவயங்கள் இயங்கவும், நோய்களிலிருந்து விடுதலை பெறவும், பணி புரியவும், ஆரோக்கியமாக இருக்கவும்தான் உணவு உட்கொள்கிறோம். வலி என்பது எப்படி உடலில் உள்ள கோளாறுக்கு அடையாளமாக இருக்கிறதோ, அதைப்போலவே பசி ஒரு குறியீடு மட்டுமே.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• நூலிலிருந்து சில துளிகள்...

• நாம் இங்கு நிம்மதியாகவும், மகிழ்ச்சியாகவும் சுதந்தர தினத்தைக் கொண்டாடுகிறோம் என்றாலோ, சுதந்தர தினத்தன்று கொடியேற்றி இனிப்பு வழங்குகிறோம் என்றாலோ அதற்கு முக்கியக் காரணம் நம் நாட்டில் எல்லையோரத்தில் இருக்கிற படை வீரர்களே. அவர்கள் கொட்டுகிற பனியிலும், உறைய வைக்கிற குளிரிலும் துப்பாக்கிகளைப் பிடித்துக்கொண்டு எதிரிகளின் வரவைக் கண்காணித்துக் கொண்டிருக்கிறார்கள். பணி நேரம் முடிந்ததும் பதிலிச் சிப்பாயுடன் பணி மாற்றிக் கொள்கிற அவர்கள் நாள் முழுவதும் விழிப்புணர்வுடன் எப்போது எதிரிகள் எல்லையைக் கடந்து வருவார்கள் என்று கண்களை அகல விரித்துப் பார்த்த வண்ணம் காத்திருக்கிறார்கள். திடீரென எங்கிருந்தோ துப்பாக்கிக் குண்டு அவர்களை நோக்கி வரலாம். ஒரு டாங்கி அவர்களை நோக்கி வந்து தற்காப்புக்காக வைத்திருக்கிற மணல் மூட்டைகளைத் தாண்டி குண்டுகளைப் பொழியலாம். இந்த நெருக்கடிகளையெல்லாம் மீறி நாம் தொலைக்காட்சிப் பெட்டியின் முன்பு அமர்ந்து சுதந்தர தின விழாவை ரசிக்கிறபோது அவர்கள் தேசியக் கொடியைச் சட்டையில் குத்திக்கொண்டு பெருமிதத்தாடு நம் நாட்டுக்கொடிக்கு வணக்கம் தெரிவிக்கிறார்கள்.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• நூலிலிருந்து சில துளிகள்...

• இளமை என்பது வயதல்ல, அது மனநிலை. காலங்கள்தோறும் இளமைக்கான இலக்கணம் மாறிக்கொண்டேயிருக்கிறது. யாரெல்லாம் புதுமை படைக்கும் ஆர்வமும், தொடர்ந்து போராடும் உள்ளமும், உயிர்த் துடிப்பும், தெளிவான மனநலமும், போகிற இடங்களிலெல்லாம் உற்சாகத்தைப் பற்ற வைக்கும் உணர்வும் கொண்டவர்களாக இருக்கிறார்களோ அவர்கள் அனைவரும் இளைஞர்களாகவே கருதப்பட வேண்டும்.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• நூலிலிருந்து சில துளிகள்...

• மனிதன் மட்டுமே கற்பனை செய்யும் ஆற்றல் படைத்தவன். விலங்குகளுக்குக் கற்பனை சாத்தியமில்லை. ஓய்வாகப் படுத்திருக்கும் ஆண் சிங்கம் அழகான பெண் சிங்கத்தைக் கற்பனை செய்து கிளர்ச்சி கொள்வதில்லை. பசியோடு இருக்கும் யானை செழித்த கரும்புத் தோட்டத்தைக் கற்பனை செய்து தேடி அலைவதில்லை. இலையுதிரில் குரங்குகள் பழ மரங்களைக் கற்பனை செய்து ஏங்குவதில்லை. ஆனால் மனிதன் தொடர்ந்து கற்பனையில் இருக்கிறான். அவன் எதிர்காலத்தைக் குறித்து கற்பனை செய்துகொண்டே வாழ்கிறான். அடுத்த வேளை உண்கிற உணவைக் குறித்து அவனுக்குக் கற்பனை உண்டு. பத்து ஆண்டுகள் கழித்துப் பெறப்போகிற வேலையைக் குறித்துக் கற்பனை உண்டு. இருபது ஆண்டுகள் கழித்து வாழப் போகிற வீட்டைப் பற்றிக் கற்பனை உண்டு. மனிதன் கற்பனையினால் வாழ்கிறான். கற்பனையும், உண்மையும் முரண்படும்போது விரக்தியடைகிறான், வேதனையில் வீழ்கிறான்.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• நூலிலிருந்து சில துளிகள்...

• குற்றம் வேறு; குற்ற உணர்வு வேறு. குற்றம் என்பது வெளிப்படையாகத் தெரிவது; குற்றவாளியாக இருக்கும் ஒருவர் சமூகத்தின் முன் அவமானத்துடன் நிற்கிறார். குற்றவுணர்வு உள்ளவரோ தமக்குள்ளேயே குமைந்து நிற்கிறார். குற்றம் நேரடியாகச் சாட்டப்படுகிறது. குற்ற உணர்வோ மறைமுகமாக ஏற்படுத்தப்படுகிறது.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• நூலிலிருந்து சில துளிகள்...

• வெற்றி இரண்டு வகைப்படும். நீண்ட கால வெற்றி, குறுகிய கால வெற்றி. அரையாண்டுத் தேர்வில் முதல் மதிப்பெண் பெறுவது குறுகிய கால வெற்றி. பொதுத் தேர்வில் முதல் மதிப்பெண் பெறுவது நீண்ட கால வெற்றி. சண்டைகளில் வென்று போரில் தோற்கிறவர்கள் உண்டு. சிப்பாய்களை இழந்து சதுரங்கத்தில் ராணியை வீழ்த்துபவர்கள் உண்டு. குறுகிய கால வெற்றியைப் பெறுகிறபோது அதிகப்படியான நம்பிக்கையை உருவாக்கிக்கொண்டு இனிமேல் நமக்கு வெற்றியே கிட்டும் என்று வேகத்தைக் குறைத்துக் கொள்கிறவர்கள் நீண்டகால வெற்றியைத் தவறவிட்டு விடுவார்கள். அதே நேரத்தில் குறுகிய கால வெற்றியின் மூலம் உழைப்புக்கு மரியாதை உண்டு என்பதை உணர்ந்து இன்னும் முயற்சியைத் தீவிரப்படுத்துகிறவர்கள் நீண்டகால வெற்றியைப் பெற்று விடலாம். தொடர்ந்து முன்னேறும் பக்குவமும், உழைக்கும் ஆர்வமும், கர்வம் கொள்ளாத மனநிலையும் வெற்றிப் பாதையில் தொடர்ந்து பயணிக்க அவசியம். அதை விட்டுவிட்டு சின்ன வெற்றியைப் பெற்றதும் நெற்றியில் வெற்றி என்று எழுதி ஒட்டவைத்துக்கொண்டு ஊர் சுற்றுபவர்கள் அதலபாதாளத்தில் விழுந்து கடைவாய்ப் பற்களையும் இழந்து விடுவார்கள்.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• நூலிலிருந்து சில துளிகள்...

• பணியில் சேர்கிற இளைஞர்கள் முதலில் பணியை நேசிக்க வேண்டும். ஏனென்றால் பணி மகத்தானது. நாம் நம்முடைய திறமைகளை வெளிப்படுத்த பணி சாதனமாக இருக்கிறது. சமூகத்திற்குப் பங்களிப்பதற்குப் பணியே உதவியாக உள்ளது. இந்த உலகத்தோடு நம்மைப் பணியே பிணைக்கிறது. மனிதர்கள் பணத்திற்காக மட்டும் பணியாற்றுவது இல்லை. நாம் கட்டிய கட்டடத்தை எப்போது காண நேர்ந்தாலும் உற்சாகம் ஏற்படுகிறது. உள்ளம் எழுந்து நிற்கிறது. தூர் வாரிய குளத்தைக் கண்டால் நாமே நிரம்பி வழிவதைப்போல எழுச்சி ஏற்படுகிறது. நாம் திட்ட அறிக்கை தயாரித்த திட்டம் நிறைவேறினால் பயனடைந்தவர்களைப் பார்க்கிறபோதெல்லாம் பரவசம் ஏற்படுகிறது. நாம் எழுதிய நூலை எப்போது புரட்டினாலும் பெருமிதம் தோன்றுகிறது. பணத்தைத் தாண்டி நாம் ஆற்றிய செயல்கள் நினைக்குந்தோறும் நம்மை நெகிழ வைப்பவையாக இருக்கின்றன.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• நூலிலிருந்து சில துளிகள்...

• எதையும் திறந்த மனத்துடன் அணுகுவது பயணத்தின் மூலம் சாத்தியம். நம் மீது சில கருத்துகள் சின்ன வயதிலிருந்தே திணிக்கப்படுகின்றன. பதப்படுத்தப்பட்ட பொருட்களைப்போல பதப்படுத்தப்பட்ட மனத்தோடு நாம் திரிகிறோம். உதாரணமாக, விருந்தோம்பலில் நம்மை மிஞ்ச யாரும் இல்லை என எண்ணுகிறோம். பல மாநிலங்களுக்குச் செல்கிறபோது அங்கிருப்பவர்கள் வெறுமனே தேநீரை மட்டும் கொடுப்பதில்லை. நிறைய உலர்ந்த திராட்சைகளையும், பாதாம் பருப்புகளையும் கொண்டு வந்து வைக்கிறார்கள். வெறும் தேநீரைக் கொடுப்பது கௌரவக் குறைச்சல் என நினைக்கிறார்கள்.

• நேர்மையைப் பற்றி நான் வைத்திருந்த மதிப்பீட்டையும் பயணத்தின்போது மாற்றிக்கொள்ள வேண்டியிருந்தது. சனிசிங்னாபூர் என்கிற இடத்திற்கு நான் சென்று பார்த்தபோது கதவே இல்லாத வீடுகளைக் கண்டேன். அங்கு திருட்டே நிகழவில்லை என்பதையும் அறிந்தேன். அதேபோன்று குஜராத்திற்குச் சுற்றுப்பயணம் செய்தபோது அங்கு நடக்கிற ஒரு கண்காட்சியைக் காண நேர்ந்தது. அங்கே கடைவிரித்த பலரிடம் பேசியபோது அவர்கள் இரவில் பொருட்களை அப்படியே விட்டுவிட்டுச் செல்வதாகவும், காவலுக்கு யாரையும் வைப்பதில்லை என்றும், ஒரு பொருள்கூட திருட்டுப்போகவில்லை என்றும், அந்த அனுபவம் இந்தியாவில் வேறெங்கும் கண்காட்சி நடத்தியபோது அவர்களுக்கு ஏற்படவில்லை என்பதையும் குறிப்பிட்டார்கள். நான் நெகிழ்ந்து போனேன். எனவே எண்ணற்ற இடங்களில் மேன்மையான மக்கள் வாழ்ந்து வருகிறார்கள், நாம் மட்டுமே மேம்பட்டவர் அல்லர் என்பதை உணர முடியும். ஆனால் அதற்குத் திறந்த மனத்தோடு பயணம் செய்ய வேண்டும்.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• நூலிலிருந்து சில துளிகள்...

• மனித மனங்களை மதிப்பதையும், அனைவரையும் நேசிப்பதையும், இயற்கையை ஆராதிப்பதையும், தன்முனைப்பற்ற மனநிலையைத் தரித்துக்கொள்வதையும் நாம் செய்தால் ஞாயிறு ஒன்றாக இருந்தாலும் விடியல் வெவ்வேறாக இருக்கும். புதிய உலகம் நம்மைக் கண் சிமிட்டி வாழ்த்தும். அப்போது மனித வாழ்வின் ஒவ்வொரு நொடியும் உன்னதமான அனுபவமாக மாறும். பூமியே சொர்க்கமாக ஆனந்த நினைவுகளால் பூத்துக் குலுங்கும்.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• நூலிலிருந்து சில துளிகள்...

• ஆட்டோவைத் தானி என்று அழைக்கிறார்கள். தானாக இயங்கக்கூடியது என்பதால் தானி. அப்படிப் பார்த்தால் எல்லா வாகனங்களுமே தானிகள்தாம். மாறாக, சரக்கைத் தூக்கிச் செல்கிற லாரியை சரக்குந்து என்று அழைப்பதைப்போல சந்துக்குள் செல்வதால் ஆட்டோவை சந்துந்து என்றோ, முடுக்குகளில் ஊடுருவிச் செல்வதால் முடுக்குந்து என்றோ, குலுக்குவதால் குலுக்குந்து என்றோ குறிப்பிடலாம்.

• எண்டர்டெய்ன்மென்ட் (entertainment) என்பதற்குப் பொழுதுபோக்கு என்கிற பதத்தை நாம் பயன்படுத்துகிறோம். ஹாபி (hobby) என்பதற்கும் அதே பதத்தையே பயன்படுத்துகிறோம். என்டர்டெய்ன்மென்ட் என்றால் மகிழ்ச்சிக்காக நேரத்தைப் போக்குவதற்குச் செய்கிற ஒன்று. ஹாபி என்பதில் கற்றுக்கொள்ளும் அம்சமும் அடங்கியிருக்கிறது . அது பொழுதைப் பயனுள்ளதாக மாற்றுகிறது. எனவே ஹாபி என்பதைப் பொழுதாக்கம் என்று அழைக்கலாம்.

• பூஜ்ஜியம் என்று தமிழில் அழைக்கும் சொல்லை சிலர் சுழி என்று பயன்படுத்துகிறார்கள். இன்மை என்கிற சொல்லைப் பயன்படுத்தினால் பொருத்தமாக இருக்கும் என்று கருதுகிறேன். இவையெல்லாம் என்னுடைய உத்தேசமான ஆலோசனைகள். இவற்றை மெருகேற்ற முடியும்.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• நூலிலிருந்து சில துளிகள்...

• வணக்கம் வைக்கிற பழக்கம் தற்காப்பின் காரணமாக ஆரம்பமான ஒன்று. இரண்டு கைகளையும் முன்னுக்குக் கொண்டுவந்து ஒருவர் வணக்கம் வைக்கிறபோது அவர் கைகளில் ஆயுதம் எதையும் ஒளித்து வைக்கவில்லை என்பதை நம்மிடம் உணர்த்துகிறார். கைகுலுக்குவதும் அந்த அடிப்படையில்தான். ஒருவர் கைகுலுக்கினால் அவர் கையில் ஆயுதம் இல்லை என்று தெரிந்து கொள்ளலாம்.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• நூலிலிருந்து சில துளிகள்...

• ஏழ்மை பணத்தோடு தொடர்புடையது. இயல்பானது. வறுமை நாமாகவே உண்டாக்குவது. மூலாதாரங்கள் குறைவாக இருக்கிறபோது ஏற்படுவது ஏழ்மை. குறைவான நீர், கந்தலடைந்த காற்று, வறண்ட பூமி, உயர்ந்த வெப்பநிலை, பலவீனமான கால்நடைகள், கொடிய நோய்கள் போன்றவற்றால் ஒரு நாடு எதிர்கொள்ளும் பிரச்சினை ஏழ்மை. ஆனால் வறுமை என்பது நீர் இருந்தாலும், நிலம் இருந்தாலும், காற்று இருந்தாலும் நம்முடைய அணுகுமுறையால் அவற்றை முறையாகப் பயன்படுத்தாமல், பலருக்கும் விநியோகிக்காமல், பசியோடும் பட்டினியோடும் பரிதவிக்கும் நிலை.

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• நூலிலிருந்து சில துளிகள்...

• நம் உண்மையான இயல்பை அறிந்துவிட்டால் பாசாங்குகள் இல்லாமல் வாழத் தொடங்குவோம். நமக்கு ஏக்கங்கள் இருக்காது. ‘இன்பமே எந்நாளும் துன்பமில்லை’ என்கிற மனநிலையில் வாழ்வோம்!

பதிப்பாளர்
கற்பகம் புத்தகாலயம்
4/2 சுந்தரம் தெரு (நடேசன் பூங்கா அருகில்)
தி. நகர், சென்னை 600017
தொலைபேசி: 044-24314347
முதல் பதிப்பு: அக்டோபர் 2020

• தப்பித்தலையே பலர் விடுதலையாக எண்ணுகிறார்கள். தப்பித்தல் தற்காலிகமானது. அது உடல்ரீதியானது. விடுதலையோ ஆன்மிகரீதியானது. தப்பிக்க நினைக்கும்போது பிரச்சினைகள் எல்லை மீறுகின்றன. நம்மை உணர்கிறபோதுதான் விடுதலை நிகழ்கிறது. அது உள்நோக்கிய பார்வை.

• மார்டின் லூதர் கிங் இளையவர் நிகழ்த்திய மகத்தான உரை ‘எனக்கு ஒரு கனவு உண்டு.‘ இன்று இந்தியாவைப் பொருத்த வரை என்னென்ன கனவுகள் நிறைவேற வேண்டும் என்பதை அனைத்து வகைகளிலும் அலசி ஆராய்கிற நூல். மானுடத்தின் மகத்தான முன்னேற்றத்திற்குத் தேவையானவற்றைக் குறிப்பிடுகிற நூல்.

• பலரும் பணிக்குப் பிறகு ஓய்வு காலத்தை எவ்வாறு உபயோகப்படுத்துவது எனத் தெரியாமல் தடுமாறுகிறார்கள். ஓய்வு என்பது ஒன்றும் செய்யாமல் இருத்தல் அல்ல. இதுவரை செய்தவற்றிலிருந்து மாறுபட்ட வேறொன்றைச் செய்து உள்ளத்தையும் உடலையும் சுறுசுறுப்பாக வைத்திருப்பது என்பதை விளக்கும் நூல். ஓய்வு பெற்ற பிறகு செய்வதற்கு ஆயிரம் பணிகள் இருக்கின்றன என்பதை அறிவிக்கும் சித்திரம்.

• விழித்துக்கொண்டிருப்பவர்கள் எல்லாம் விழிப்புணர்வு பெற்றவர்கள் அல்லர். எந்தப் புலன் எப்போது அதிக ஆதிக்கம் செலுத்த வேண்டும் என்று அனுமானிப்பதும், அந்தப் புலன் மற்றப் புலன்களைக் காட்டிலும் தீவிரமாகச் செயல்படும்படி நம் இயல்பை அதன் போக்கில் செலுத்துவதுமே விழிப்புணர்வு. எல்லா விபத்துகளுக்கும் விழிப்புணர்வின்மையே காரணம். விழிப்புணர்வுடன் இருப்பவர்கள் தூய வாழ்க்கை வாழ்வார்கள் என்பதைத் துலங்க வைக்கும் நூல்.

• இன்று பலர் வாய்ப்புகள் கிடைக்கவில்லை என்று வாடி நிற்பதைப் பார்க்கிறோம். நம்மைச் சுற்றி இருக்கிற வாய்ப்புகளை அடையாளம் காண்பதற்கும், அவற்றைச் சரியாகப் பயன்படுத்துவதற்கும் கற்றுத்தரும் நூல் இது. சில வாய்ப்புகள் அடிக்கடி வராது என்பதையும், வந்த வாய்ப்பை எவ்வாறு பயன்படுத்தினால் வெற்றிபெற முடியும் என்பதையும் விளக்கும் நூல்.

• அடுத்தவர்களுடன் பழகும்போது எல்லை மீறி அவர்களைத் தொல்லைக்குட்படுத்துவதே அத்துமீறல். அத்துமீறல் என்பது நாம் செய்யும்போது ஆனந்தமாகவும், அடுத்தவர் செய்யும்போது அருவருப்பாகவும் உணரப்படுகிறது. மிகுந்த நுண்ணறிவு கொண்டவர்கள்தான் எப்போதும் மற்றவர்களுடைய எல்லைகளை உணர்ந்து அவற்றை மீறாமல் பண்போடு நடந்து கொள்வார்கள். அத்துமீறல்கள் எப்படியெல்லாம் நடக்கின்றன என்பதைச் சுட்டிக்காட்டும் நூல்.

• எளிமை என்பது பிரம்மாண்டம் என்பதை எடுத்துக்காட்டுகளுடன் கூறும் நூல். எளிமையை மலிவு என நினைக்கக் கூடாது. எளிமை எப்போதும் ஒரே மாதிரி இருப்பதில் அடங்கியிருக்கிறது. தோற்றத்தில் மட்டும் அல்ல, அணுகுமுறையிலும் எளிமையாக இருப்பவர்கள்தான் ஏற்றம் பெறுகிறார்கள். எளிமையான மனிதர்கள்தான் எப்போதும் நினைந்து போற்றப்படுகிறார்கள்.

• தேர்வுக்காகப் படிக்கிறவன் மாணவன். வாழ்வுக்காக வாசிப்பவன் சீடன். தன்னுடைய குருவிடமிருந்து அவர் சொல்லித் தராமல் உணர்த்துபவற்றையும் உறிஞ்சிக் கொள்பவனே சீடனாக இருக்கிறான். வாழ்க்கையில் எண்ணற்ற ஆசிரியர்கள் இருக்கலாம். ஒரே ஒரு குருதான் இருக்க முடியும். இதயப்பூர்வமாக எதையும் கற்றுக்கொள்ளும்போதுதான் ஒருவன் சீடனாகப் பரிணமிக்கிறான்.

• முதுமை என்பது வயது அல்ல, மனநிலை. அது காலத்திற்குக் காலம் வேறுபடுகிறது. இன்றிருக்கும் மருத்துவ வசதியால் ஆயுள் அதிகமாகிக்கொண்டே செல்கிறது. உணவுப் பொருட்களில் உள்ள ஊட்டச்சத்தால் இளமை நீடிக்கிறது. முதுமையில் இன்று பலர் தனிமையில் தத்தளிப்பதைப் பார்க்கிறோம். எப்படியெல்லாம் ஒருவர் முதுமையை நுகர்ந்தால் மகிழ்ச்சியாக இருக்க முடியும் என்பதை இந்நூல் சுட்டிக்காட்டுகிறது.

• பழக்கம் தனி மனிதரைச் சார்ந்தது. வழக்கம் சமூகத்தைச் சார்ந்தது. ஒன்றைத் தொடர்ந்து செய்தால் அது பழக்கமாகி விடுகிறது. நல்ல பழக்கங்கள் ஒரு மனிதனை மேன்மைப்படுத்துகின்றன. விழிப்புணர்வுடன் இருந்தால்தான் நல்ல பழக்கங்கள் ஏற்படவும், தீய பழக்கங்கள் தீண்டாமல் இருக்கவும் முடியும். பழக்கங்களையும் வழக்கங்களையும் எடுத்துக்காட்டுடன் விளக்கும் நூல்.